BolgeXeber.Com » Siyasət » Rusiya yanvarın 1-dən Türkiyə ilə vizasız gediş-gəlişi dayandırır

Rusiya yanvarın 1-dən Türkiyə ilə vizasız gediş-gəlişi dayandırır

29-11-2015, 11:46

Oxunub: 4 242 Rusiya yanvarın 1-dən Türkiyə ilə vizasız gediş-gəlişi dayandırır

Rusiya hökumətinə, həmçinin Rusiya və Türkiyə arasında çarter hava daşınmalarına qadağanın tətbiq edilməsini nəzərdə tutan tədbirlər görmək tapşırığı verilib

Rusiya prezidenti Vladimir Putin "Rusiya Federasiyasının milli təhlükəsizliyi və Rusiya vətəndaşlarının cinayətkar və ya digər hüquqazidd əməllərdən qorunmasının təmin edilməsi və Türkiyə Respublikasına qarşı xüsusi iqtisadi tədbirlərin tətbiq edilməsi üzrə tədbirlər haqqında" fərman imzalayıb.

Bolgexeber.com "Report"-a istinadən xəbər verir ki, bu barədə Kremlin mətbuat xidməti məlumat yayıb. Putin imzalanmış fərmanda 1 yanvar 2016-cı il tarixindən etibarən Türkiyə ilə vizasız gediş-gəliş barədə sazişin fəaliyyətinin dayandırılması haqqında qərar çıxarıb.
Qərar Rusiya ərazisində müvəqqəti yaşamaq icazəsi olan, həmçinin həqiqi xidməti və xüsusi pasportlara malik səfirlik və konsulluq işçiləri və onların ailə üzvlərinə şamil edilməyib.
"Müəyyən edilsin ki, turoperator və turagentliklərin Rusiya Federasiyası vətəndaşlarına Türkiyə Respublikası ərazisinə səfər nəzərdə tutan turist məhsulunun satışından çəkinmələri gərəkdir", - deyə fərmanın mətnində bildirilir.
Rusiya hökumətinə, həmçinin Rusiya və Türkiyə arasında çarter hava daşınmalarına qadağanın tətbiq edilməsini nəzərdə tutan tədbirlər görmək tapşırığı verilib.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]