BolgeXeber.Com » Siyasət » Mübariz İbrahimov Bakıya gətirilir

Mübariz İbrahimov Bakıya gətirilir

6-11-2010, 20:40
Oxunub: 5 533
Yolboyu insanlar şəhidləri qarşılamağa çıxıb

Mübariz İbrahimovla Fuad Fərid Əhmədovun cənazələri Bakıya gətirilir. Bu barədə Biləsuvar rayonunun deputatı, Ağdamda hərbçilərin cəsədinin qaytarılmasında iştirak edən Xanhüseyn Kazımlı bildirib. Onun sözlərinə görə, hazırda hərbçilərin cəsədləri iki müxtəlif Təcili Tibbi Yardım maşını ilə Bərdə rayonundadır: “Elə bu dəqiqlərdə Bakıya çıxacağıq. İndi dayanıb müəyyən şəxslərin gəlməsini gözləyirik. Bərdə və Ağdamda insanlar yol boyu düzülüb. Hamı ehtiramla qarşılayır onları. Hərbçilərdən Fərid Əhmədovun dayısı buradadır. Mübarizin ailə üzvləri isə Bakıda qan analizindədirlər. Biz onları birbaşa Bakıya ekspertizaya aparırıq”