BolgeXeber.Com » Siyasət » Lorinə sms göndərən icra başçısının başı dərddə

Lorinə sms göndərən icra başçısının başı dərddə

31-05-2012, 15:15
Oxunub: 7 337 Bakıda keçirilən "Eurovision" yarışmasının finalında qalib olan İsveç təmsilçisi Lorinə Azərbaycandan da kifayət qədər sms göndərildi.

"Qazeta.com" portalı məlumat yayıb ki, Azərbaycandan İsveç təmsilçisinə səs verənlər arasında sıravi vətəndaşlarla yanaşı, məmurlar və onların ailə üzvləri də olub.
Xatırladaq ki, Lorinin Azərbaycanda insan hüquqlarının pozulduğunu dilə gətirməsi, həmçinin İsveçin Bakıdakı səfirliyində müxalifət liderlərilə görüşməsi hökumət nümayəndələrini hiddətləndirmişdi.
Portal xəbər verir ki, "Eurovision"un finalında Azərbaycandan Lorinə səs göndərənlərlə bağlı araşdırma aparılıb. Məlum olub ki, sms göndərənlər arasında Bakı rayonlarından birinin icra başçısı və onun oğlu da varmış. İcra başçısı cəmi 4 dəqiqə ərzində Lorinə 1000 manatlıq sms yollayıb. Qeyri-rəsmi məlumatlara görə, sözügedən icra başçısından bu hərəkətinə siyasi arayış verməsi tələb olunur.