BolgeXeber.Com » Siyasət » Saakaşvilinin həyat yoldaşı deputat mandatından imtina edib

Saakaşvilinin həyat yoldaşı deputat mandatından imtina edib

8-11-2016, 09:27

Oxunub: 4 119

Gürcüstanın sabiq prezidenti Mixail Saakaşvilinin həyat yoldaşı Sandra Rulovs deputat mandatından imtina edib

Bolgexeber.com-un APA-ya istinadən məlumatına görə, S. Rulovs Gürcüstan parlamentinə seçkilərdə “Vahid Milli Hərəkat” partiyasının siyahısı üzrə ikinci yerdə olub. Məlumata görə, S. Rulovs “Vahid Milli Hərəkat” partiyası parlamentdə 27 yer aldıqdan sonra seçkilərin nəticələrinə görə parlamentin deputatı olub. O, majoritar deputatlığa namizəd kimi iki turda - 8-30 oktyabr seçkilərində iştirak edib.

Gürcüstan Mərkəzi Seçki Komissiyasının mətbuat xidməti Sandra Rulovsun mandatdan imtina etməyi barədə MSK-ya məlumat verdiyini bildirib. MSK bildirib ki, deputatın mandatını ləğv etməyə yalnız parlament səlahiyyətlidir.

Deputat mandatından imtina etdikdən və parlament onun deputat səlahiyyəti dayandırdıqdan sonra MSK onun yerinə siyahı üzrə gələn deputatı parlamentə təqdim edə bilər. Gürcüstan MSK-dan verilən məlumata görə, Sandra Rulovsdan sonra “Vahid Milli Hərəkat” partiyasının siyahısı üzrə 28-ci yeri tutan Kaxetinin eks-qubernatoru Georgi Qviniaşvili parlament üzvü ola bilər.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]