Bizimlə əlaqə | Reklam
BolgeXeber.Com » Siyasət » İranın Azərbaycana ümidləri var

İranın Azərbaycana ümidləri var

27-08-2012, 19:30
Oxunub: 5 923 Ramin Mehmanpərəst: “İki ölkə arasında mövcud olan anlaşılmazlıqlar həllini tapmaqdadır”

İran Xarici İşlər Nazirliyinin mətbuat katibi Ramin Mehmanpərəst deyib ki, Azərbaycan Respublikası Qoşulmama Hərəkatına üzv ölkələrin Tehranda keçirilən XVI zirvə toplantısında ən yüksək səviyyədə təmsil olunacağına ümid edir.

İranın İRİB agentliyinin yaydığı məlumata görə, R. Mehmanpərəst bildirib ki, Azərbaycan Respublikasının işçi qrupu hazırda Tehrandadır: “Qərb mediası tərəfindən bəzi məsələlərin şişirdilməsi və şayiələrin yayılması region ölkələri arasındakı yaxın münasibətlərə zərər vermək məqsədi daşıyır. Son zamanlar İran və Azərbaycan Respublikası rəsmiləri arasında aparılan danışıqlar, müsbət atmosferdə keçirilən görüşlər media tərəfindən qaranlıq məqam kimi təqdim edilən bir çox məsələlərə aydınlıq gətirilib. İki ölkə arasında mövcud olan anlaşılmazlıqlar həllini tapmaqdadır. Ümid edirik ki, bundan sonra iki ölkə arasında münasibətlər daim inkişaf edəcək”.

R. Mehmanpərəst əlavə edib ki, Tehran sammitdə 2 kral, 27 prezident, 8 baş nazir, 6 xüsusi nümayəndə, 25 xarici işlər nazirinin iştirakı dəqiqləşib.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]