BolgeXeber.Com » Siyasət » “Xocalı soyqırımı” şəhidlərinin xatirəsi Böyük Britaniyada anılıb

“Xocalı soyqırımı” şəhidlərinin xatirəsi Böyük Britaniyada anılıb

27-02-2017, 13:51

Oxunub: 3 771 “Xocalı soyqırımı” şəhidlərinin xatirəsi Böyük Britaniyada anılıb

Böyük Britaniyanın Aberdin şəhərində “Aberdin Azərbaycan Cəmiyyəti”nin təşkilatçılığı ilə Xocalı soyqırımının 25-ci ildönümü ilə əlaqədar anım mərasimi keçirilib

Bolgexeber.com-un məlumatına görə, mərasimdə “Aberdin Azərbaycan Cəmiyyəti”nin üzvləri, bu ölkədə yaşayan və təhsil alan azərbaycanlılar və ictimaiyyətin nümayəndələri iştirak ediblər. Xocalı soyqırımı qurbanlarının xatirəsi bir dəqiqəlik sükutla yad edilib.

“Aberdin Azərbaycan Cəmiyyəti”nin sədri, Aberdin Universitetinin tələbəsi Kənan Əliyev Xocalı faciəsinin Azərbaycan tarixində unudulmaz, dəhşətli və qanlı hadisələrdən biri olduğunu bildirib. O, erməni silahlı dəstələri tərəfindən xalqımıza qarşı törədilmiş, dünyada misli görünməmiş vəhşilik və qəddarlığın Xatın, Xirosima və digər faciələrlə bir sırada dayandığını vurğulayıb. K.Əliyev Ermənistan tərəfindən ölkəmizə və xalqımıza qarşı aparılan işğalçılıq və etnik təmizləmə siyasətindən və onun ağır nəticələrindən danışıb. Xocalı soyqırımı qurbanlarının xatirəsinin hər il Azərbaycanda və dünyanın müxtəlif ölkələrində yaşayan soydaşlarımız və diaspor təşkilatları tərəfindən anıldığı bildirilib.

Cəmiyyətin sədri çıxışında daha sonra, Xocalı şəhərində törədilmiş vəhşilikləri insanlığa sığmayan dəhşətli soyqırım cinayəti kimi dəyərləndirərək, bu soyqırıma ilk dəfə ulu öndər Heydər Əliyevin hakimiyyətə qayıdışından sonra siyasi-hüquqi qiymət verilməsini xüsusi vurğulayaraq günahkarların cəzalandırılmasının vacibliyini bildirib. Sonda tədbir iştirakçılarına Xocalı soyqırımı ilə bağlı materiallar təqdim edilib.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]