Bizimlə əlaqə | Reklam
BolgeXeber.Com » Siyasət » Tramp düşmənini təriflədi: - "Gənc olsa da, ağıllı oğlandır"

Tramp düşmənini təriflədi: - "Gənc olsa da, ağıllı oğlandır"

1-05-2017, 11:32
Oxunub: 4 160 Tramp düşmənini təriflədi: - "Gənc olsa da, ağıllı oğlandır"ABŞ prezidenti Donald Tramp CBS telekanalının “Millətlə üz-üzə” proqramına müsahibəsi zamanı bəyan edib ki, Şimali Koreya lideri Kim Çen In hakimiyyətə gənc yaşlarında gəlib və ətrafında “sərt oğlanlar”ın olmasına baxmayaraq, vəzifəsini saxlaya bilib

“İnsanlar soruşur – o, normaldır? Mənim bu barədə anlayışım belə yoxdur. Lakin o hakimiyyətə gələndə çox gənc idi – 26-27 yaşlarında atası ölən kimi. O, çox sərt oğlanlar – generallar və digər şəxslərlə işləməyə məcbur oldu. Çox gənc olmasına baxmayaraq, o vəzifəsini saxlaya bilib. Mən əminəm ki, öz əmisi də daxil olmaqla bir çoxları hakimiyyəti ondan almaq istəyib. Lakin o, hakimiyyəti saxlaya bildi. Ona görə aydındır ki, ağıllı oğlandır”, - deyə Tramp bəyan edib.

Qeyd edək ki, 2013-cü ilin dekabrında Şimali Koreyada ölkənin totalitar lideri Kim Çen Inın əmisi Çan Son Txek edam edilib.

Bir neçə gün əvvəl Çan Son Txek birbaşa hakim partiyanın toplantısı zamanı Dövlət Müdafiə Komitəsinin sədri vəzifəsindən alınaraq həbs edilmiş, ona qarşı hakimiyyəti devirmək məqsədilə qruplaşma yaratmaq ittihamı irəli sürülmüşdü.

Xatırladaq ki, Trampın hakimiyyətə gəlişindən sonra ABŞ-la Şimali Koreya arasında münasibətlər kəskin pisləşib. Hətta yeni müharibənin olacağı istisna edilmir.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]