Bizimlə əlaqə | Reklam
BolgeXeber.Com » Siyasət » Elşad Abdullayevin bacısı oğlu Azad Mürsəliyev saxlanılıb

Elşad Abdullayevin bacısı oğlu Azad Mürsəliyev saxlanılıb

6-11-2012, 09:40
Oxunub: 6 952 Azad Mürsəliyevin ölkədən çıxışına qadağa qoyulub

Fəaliyyəti dayandırılmış Azərbaycan Beynəlxalq Universitetinin rektoru, hazırda Fransada mühacirətdə olan Elşad Abdullayevin bacısı oğlu Azad Mürsəliyev saxlanılıb.
Bu barədə “Azadlıq”a daxil olan məlumatda bildirilir ki, hadisə noyabrın 2-də gecə saatlarında hava limanında baş verib. Azad Mürsəliyev həmin gün Türkiyəyə gedirmiş. Lakin aeroportda sərhəd xidmətinin əməkdaşları onun ölkədən çıxışına imkan verməyiblər.
Məlumata görə, Azad Mürsəliyev həmin gecə səhərə qədər hava limanında saxlanılıb. Sonradan ona bildirilib ki, barəsində ölkəni tərk etməmək barədə qərar var. Lakin belə bir qərarın hansı səbəbdən verildiyi məlum deyil.
Qeyd edək ki, Azad Mürsəliyev Elşad Abdullayevin bacısı oğlu olmaqla yanaşı, həm də qanuni nümayəndəsidir. Onun ölkədən çıxmasına yasaq qoyulmasının məhz bu faktorla bağlı olduğu ehtimal edilir.
Xatırladaq ki, Elşad Abdullayev son iki ayda yaydığı qalmaqallı videolarla, açıqladığı şok faktlarla gündəmdən düşmür. Onun bacısı oğlunun ölkədən çıxmasına heç bir ciddi əsas olmadan qadağa qoyulması haqda qərarın sabiq rektorun susması üçün ona qarşı təzyiqlərin tərkib hissəsi olduğu istisna deyil.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]