Bizimlə əlaqə | Reklam
BolgeXeber.Com » Siyasət » Sabiq baş prokurora Bakıdan çıxmamaq qadağası

Sabiq baş prokurora Bakıdan çıxmamaq qadağası

24-11-2012, 12:30
Oxunub: 6 143 Azərbaycanın sabiq baş prokuror İxtiyar Şirin hüquq-mühafizə orqanlarında, ələlxüsus məhkəmə hakimiyyətində və prokurorluq orqanlarında ciddi islahatların aparılmasına tərəfdar olduğunu bəyan edib.

O, bildirib ki, Azərbaycanda hüquq elmini və öz işini bilən kifayət qədər peşəkar hüquqşünaslar var və bu baxımdan da kadr çatışmazlığı problemi yoxdur. Onun fikrincə, öz işini yaxşı bilən hüquqşünasları həmin orqanlarda məsul vəzifələrə gətirmək lazımdır ki, bu sistemdə dəyişiklik yaratsınlar: “Mən istəyirəm və arzu edirəm ki, belə islahatlar aparılsın”.

Sabiq baş prokuror prokurorluqdan şikayət də edib. Onun sözlərindən belə məlum olub ki, 1993-cü ildə Gəncədə baş verən qiyamla bağlı açılan cinayət işi onun normal yaşaması və fəaliyyət göstərməsi üçün əngəl olub. Çünki onunla bağlı iş faktiki olaraq “Gəncə” işindən ayrılıb və ayrıca baxılır: “Son 20 ildə mənə qarşı qanunsuz hərəkətlər edilir. Bu gün mənim Azərbaycandan çıxmağıma yasaq qoyulub. Heç bir cinayət olmadığı halda qərar qəbul edərək mənim ölkədən və paytaxtdan çıxmağıma qadağa qoyublar”.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]