BolgeXeber.Com » Siyasət » Anar Məmmədova Amerikadan sərt reaksiya

Anar Məmmədova Amerikadan sərt reaksiya

28-11-2012, 13:20
Oxunub: 4 517 “Qafqazda ən çox ad çıxarmış korrupsioner məmurlardan birinin oğlu...”

Amerikanın Vircinia ştatında qubernator tərəfindən təyin olunan İnsan Haqları Şurasının doqquz üzvündən biri - Azərbaycan əsilli Con Amiral öz “Facebook” səhifəsində Ziya Məmmədovun oğlu Anar Məmmədovun Vaşinqton macərasından yazıb. Con Amiralın qeydini ReAL-ın sədri İlqar Məmmədov öz bloqunda paylaşıb.

"Dünyanın hər yerindən bəzi ən çox korrupsiya bulaşmış rəsmilər və onların ailə üzvləri Vaşinqtonda ən təsirli insanlardır artıq. Qafqazda ən çox ad çıxarmış korrupsioner məmurlardan birinin oğlu - 31 yaşlı Anar Məmmədov özünün 70 milyon dollarlıq şəxsi təyyarəsində Vaşinqtona gələndə ABŞ Konqresinin onlarla üzvü onu salamalamaq üçün sıraya düzülür. Əcaba, bu ABŞ rəsmiləri bizim veteranları və ya hətta öz seçicilərini bu qədər həvəslə salamlamağa çıxardılarmı?", - deyə Con Amiral yazıb.

Amiral sonra şərhində qeyd edib ki, o Anar Məmmədovu qarşılayan konqresmenlərdən izahat istəyəcək. (azadliq.info)