Bizimlə əlaqə | Reklam
BolgeXeber.Com » Siyasət » Prezident sülhün şərtlərini açıqladı

Prezident sülhün şərtlərini açıqladı

25-12-2012, 08:25
Oxunub: 5 310 İlham Əliyev: “Status-kvonu dəyişmək üçün ilk növbədə Azərbaycan ərazilərini işğaldan azad etməyə başlamaq lazımdır”

“Dağlıq Qarabağ münaqişəsinin tənzimlənməsi ilə bağlı aparılan danışıqlara dair bu ilin yekunlarını mənfi qiymətləndirirəm”. Bolgexeber.com-un məlumatına görə, bunu “Rossiya 24” kanalına müsahibəsində Azərbaycan prezidenti İlham Əliyev bildirib. Onun sözlərinə görə, bu il danışıqlar prosesində durğunluq müşahidə olunub: “Biz buna əsas səbəb kimi Ermənistan tərəfinin bütün vasitələrlə status-kvo vəziyyətini saxlamaq cəhdlərində görürük. Onlar münaqişənin tənzimlənməsini istəmirlər. Çünki, tənzimləmə işğal olunmuş torpaqları azad etməyi tələb edir. Bu gün işğal altında təkcə Dağlıq Qarabağ deyil, muxtar vilayətə heç vaxt daxil olmayan 7 rayon da var. Bu rayonlarda erməni əhali heç vaxt yaşamayıb. Burada azərbaycanlılar yaşayıb, onlar öz yurdlarından qovulublar. Bu ərazilərin işğalına haqq qazandırmaqla Ermənistan vəziyyəti daha da çətinləşdirir. Ona görə də, status-kvo vəziyyətinin dəyişdirilməsi münaqişənin tənzimlənməsinin ilkin şərtidir. Mən ATƏT-in Minsk qrupu həmsədrlərinin “status-kvo qəbuledilməzdir” bəyanatını qeyd etmək istəyirəm. Status-kvonu dəyişmək üçün ilk növbədə Azərbaycan ərazilərini işğaldan azad etməyə başlamaq lazımdır. Əminəm ki, bu proses başlayan kimi, danışıqlar prosesində yeni təkan olacaq”.

Azərbaycan prezidenti münaqişənin həllində vasitəçilik edən ölkələrin aktiv fəaliyyət göstərəcəyinə ümid bəslədiyini söyləyib: “Bizi tez-tez tərəflər arasında etimadın yaranmasını istəməməkdə günahlandırmaq istəyirlər. Azərbaycanı cəbhə xəttində atəşkəs rejimini pozmaqda günahlandırmağa cəhd edirlər. Əvvəla, atəşkəs rejimi iki tərəfdən də pozulur. Əsas məsələ odur ki, vasitəçilər danışıqlar prosesinin məğzi - Azərbaycan torpaqlarının işğaldan azad olunması üzərində daha aktiv işləsinlər. Bu proses nə qədər çəkəcək, bunu demək mənim üçün çətindir. Hesab edirəm ki, status-kvonun saxlanması Azərbaycan üçün olmadığı qədər Ermənistan üçün təhlükəlidir. Regionda qüvvələr nisbəti, Azərbaycanın güclənməsi onu göstərir ki, 5-10 ildən sonra Ermənistanın vəziyyəti indikindən daha da ağır olacaq. Azərbaycanla düşmənçilik etmək və bizim torpaqlarımızı işğal altında saxlamaq onlar üçün çətin və hansısa mənada təhlükəli olacaq. Əgər onlar Dağlıq Qarabağda yaşayanların orada sülh və təhlükəsiz şəraitdə yaşamağa davam etməsini istəyirlərsə, işğalçı qoşunları bizim ərazimizdən çıxarmağa başlamalıdırlar”.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]