BolgeXeber.Com » Siyasət » Rusiya “Telegram”ı bağlayır

Rusiya “Telegram”ı bağlayır

7-04-2018, 10:52

Oxunub: 3 993

“Telegram” messencerinin yaradıcıları ilə Rusiya hökuməti arasında çəkişmələr davam edir.

Bolgexeber.com BBC-yə istinadən xəbər verir ki, Moskva sözü gedən proqramı ölkədə bloklamaq niyyətindədir.

Aprelin 6-da, “Roskomnadzor”un nümayəndələri məhkəməyə ərizə ilə müraciət edərək, internet provayderlərinin istifadəçilərin “Telegram Messenger” informasiya resurslarına girişini məhdudlaşdırmasını tələb edib.

Buna səbəb şirkətin şəxsi ismarıcların deşifrələnməsinə imkan verən kodlaşma açarlarını Moskvaya təqdim etməkdən imtina etməsidir.

Rusiyanın Federal təhlükəsizlik xidməti, kodlaşma açarlarını dövlətə qarşı terror və cinayət əməlləri planlaşdıran şəxslərin yazışmalarını ələ keçirmək, terrorçuları ifşa etmək üçün istədiyini açıqlayıb.

Moskva sözügedən açarların təslim edilməsi üçün Dubayda qərarlaşan şirkətə aprelin 4-ə kimi vaxt vermişdi.

“Telegram” təsisçisi Pavel Durov hələ ötən ay, Moskvanın çağırışlarına rədd cavabı verərək, şirkətin hər zaman azadlıq və şəxsi məlumatların toxunulmazlığı prinsiplərinə sadiq qalacağını bildirmişdi.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]