Bizimlə əlaqə | Reklam
BolgeXeber.Com » Siyasət » “İstintaqçı” istintaqa çəkilir

“İstintaqçı” istintaqa çəkilir

16-01-2013, 11:35
Oxunub: 5 158 Rüstəm İbrahimbəyova qarşı cinayət işi qaldırıldı

Tanınmış dramaturq və rejissor Rüstəm Ibrahimbəyovun rəhbərlik etdiyi Kinemotoqrafçılar Ittifaqına qarşı cinayət işi başlanıb. Hazırda bununla bağlı Vergilər Nazirliyinin Istintaq Idarəsində araşdırmalar gedir. Bu barədə “Azadlıq”a daxil olan məlumatı Kinemotoqrafçılar Ittifaqının katibi Rasim Balayev da təsdiqləyib. O bildirib ki, Kinemotoqrafçılar Ittifaqına qarşı təxminən 30 min manat vergidən yayınma ilə bağlı ittiham irəli sürülüb.
“Deyilənə görə, biz festival zamanı nəyəsə görə təxminən 30 min manat civarında pul ödəməliymişik. Biz də izah elədik ki, bundan xəbərsiz olmuşuq. Yazılı şəkildə bildirdik ki, ödəməkdən boyun qaçırmırıq, imkan olan kimi ödəyəcəyik”, - deyə Rasim Balayev bildirib.
Görünür, Kinemotoqrafçılar Ittifaqının yazılı müraciətinə məhəl qoyulmayıb. Məlumata görə, Ittifaqın əməkdaşları istintaqa dəvət olunaraq dindirilir. Bu xəbəri də təsdiqləyən Rasim Balayev əlavə edib ki, onun özünü də istintaqa çağırıblar: “Amma hələ getməmişəm”.
Xatırladaq ki, Rüstəm Ibrahimbəyovun hökuməti tənqid edən çıxışlarından sonra onun rəhbərlik etdiyi quruma Kinemotoqrafçılar Ittifaqına alternativ qurum yaradıldı. Azərbaycan Respublikası Kinemotoqrafçılar Ittifaqı adlanan bu yeni quruma rəhbərlik etmək isə xalq artisti Şəfiqə Məmmədovaya həvalə olundu.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]