BolgeXeber.Com » Siyasət » Londondan İsmayıllıya dəstək

Londondan İsmayıllıya dəstək

28-01-2013, 13:00
Oxunub: 2 372 İngiltərənin paytaxtında aksiya keçirildi

Londonda İsmayıllıya dəstək aksiyası keçirilib. Təxminən 15 nəfərdən ibarət qrup üzvləri əllərində şüarlar tutaraq “statik etiraz” keçiriblər. Londonda nəşr edilən “Araz” qəzetinin redaktoru, əslən İsmayıllıdan olan Vüsal Həmzəyev etirazlar vaxtı “amansız güc tətbiqini” pisləyib.
Azərbaycan Demokratik Assosiasiyasının (ADA) üzvü, müstəqil jurnalist Günel V. Əhməd isə deyib ki, Azərbaycan hökümətində azərbaycanlılara qarşı yaradılmış siyasət “hamıda bir hiddət doğurub”.
“Bu il ADA Azərbaycandakı demokrat və fəalları dəstəkləməyə və ölkədəki insan haqlarının pozulmasına qarşı kampaniyasına daha qüvvətli şəkildə davam edəcək”, təşkilatın rəhbəri Murad Həsənli BBC Azərbaycancaya deyib.
Çərşənbə günü İsmayıllıda yaranmış qarşıdurmadan sonra icra başçısının istefasını tələb edən etirazçılar otelə od vuraraq bir neçə avtomobili yandırıblar.
Hakimiyyət İsmayıllıda baş verənləri bir qrup gəncin mövqeyi kimi səciyyələndirib.