Gülər Əhmədova təcridxanada qalmaqal yaradıb
20-02-2013, 18:15
Oxunub: 3 736
Sabiq YAP-çı deputat Gülər Əhmədovanın Penitensiar Xidmətin xəstəxanasına köçürülməsi barədə yayılan məlumatlar öz təsdiqini tapmayıb. G.Əhmədova hazırda 2 saylı Bakı İstintaq Təcridxanasında (BİT) 2 nəfərlik kamerada tək saxlanılır. Bu haqda məlumat verən etibarlı mənbə bildirib ki, G.Əhmədova qaldığı kamerada səs-küy salır, insanları səhərədək yatmağa qoymur və israrla vəziyyətinin ağır olduğunu deyir. Dəfələrlə çağırışa gələn həkimlər onun təzyiqinin normal olduğunu, sağlamlığında heç bir problem olmadığını və bu qədər səs-küy salmaq üçün heç bir əsas olmadığını deyirlər. G.Əhmədovanı dinləməyən həkimlər onun söylədikləri şantaj xarakterli ittihamlara da heç bir əhəmiyyət vermirlər. Onlar G.Əhmədovanın sağlam olduğunu bildirirlər: “G.Əhmədova BİT-ə təyin olunmuş yeni rəis Azər Seyidovun qəbulunda olub və dərhal “sançast”a köçürülməsini tələb edib. O, 15 il deputat olduğunu və buna görə də xüsusi imtiyazlarının olmasını səbəb göstərməyə çalışıb. Lakin təqsirləndirilən şəxslərin heç biri üçün xüsusi imtiyaz tanımayan A.Seyidov G.Əhmədovanın hədələrinə heç bir reaksiya verməyib və onu hamı kimi BİT-nın daxili qaydalarına riayət etməyə çağırıb”. Ümumiyyətlə, G.Əhmədovanın xəstəxanaya köçürülməyinin də mümkünsüzlüyü ortaya çıxıb. Belə ki, G.Əhmədovanın təqsirləndirilən şəxs olaraq xəstəxanada saxlanılması qanunauyğun hesab edilməyib. BİT-in tibb məntəqəsinə gəlincə isə, orada əsasən “imkanlı kişilər” saxlanıldığından G.Əhmədovanın bir qadın olaraq ora gətirilməsinə ciddi etiraz olunub.
Mənbə onu da bildirib ki, G.Əhmədova “sançast”a köçürüldüyü təqdirdə bunun siyasi sifarişlə həyata keçirilməsi öz təsdiqini tapacaq: “Bu adam sağlamdır. Əgər son bir neçə gündə mətbuatın əli ilə onun xəstə olduğu xəbərini yayırlarsa, deməli, müəyyən qüvvələr G.Əhmədovanın saxlanma şəraitinin yaxşılaşdırılması üçün həm də ictimai rəyi hazırlayırlar”,- deyə mənbə vurğulayıb. bizimyolinfo.com
Çox Oxunanlar
- 23-03-2024, 17:43 : Putin Rusiyada matəm elan etdi
Dünya / Xəbərlər
- 16-03-2024, 09:49 : Forum iştirakçılarının sayı rekord həddədir
Analitika / Xəbərlər
- 25-03-2024, 17:57 : Terror aktından sonra bu şəxslərə nəzarət gücləndirildi
Dünya / Xəbərlər
- 1-03-2024, 16:14 : Xərçəng xəstəsi olan Zeynəbin səhhəti pisləşdi
Şou-Biznes / Xəbərlər
- 1-03-2024, 16:44 : İcra başçısı Milli Məclisin deputatı ilə birlikdə Qaradağlı kənd tam orta məktəbində mövcud şəraitlə tanış olub
Bölgə / Xəbərlər
- 26-03-2024, 17:50 : 14 yaşdan kiçiklər üçün sosial media qadağası
Sosial / Xəbərlər
- 13-03-2024, 12:37 : Beynəlxalq hüququn normaları Azərbaycanın tərəfindədir
Analitika / Xəbərlər
- 1-03-2024, 19:46 : Qəzzada həlak olanların sayı açıqlandı
Dünya / Xəbərlər
- 23-03-2024, 15:23 : Bu ərazilərdə yaşayanların NƏZƏRİNƏ
Sosial / Xəbərlər
- 5-03-2024, 14:57 : İcra başçısı Milli Məclisin deputatı ilə birlikdə şəhid anası Sitarə Əzizovanı 70 illik yubileyi münasibəti ilə ziyarət ediblər
Bölgə / Xəbərlər