BolgeXeber.Com » Siyasət » Kaşıkçının qətlinin səbəbi məlum oldu

Kaşıkçının qətlinin səbəbi məlum oldu

22-10-2018, 15:22

Oxunub: 3 344

Səudiyyə Ərəbistanının İstanbuldakı konsulluğunda öldürülən “Washington Post” nəşrinin jurnalisti Camal Kaşıkçı təşviş içində boğulub.

Oxu.Az-ın xəbərinə görə, bu barədə “Reuters”ə Səudiyyə Ərəbistanı hökumətindəki mənbə məlumat verib.

Mənbə iddia edir ki, Ər-Riyad 59 yaşlı jurnalisti ölkəyə qaytarmaq üçün 15 nəfərlik nümayəndə heyətini İstanbula göndərib.

Görüş zamanı onlar Kaşıkçını hədələməyə başlayıblar, jurnalisti oğurlayacaqlarına söz veriblər.

Kaşıkçı müqavimət göstərməyə və köməyə çağırmağa başlayıb. Bu səbəbdən təşvişə düşən nümayəndə heyətinin üzvləri onun ağzını bağlamağa çalışıblar, lakin güclərini hesablamayıblar, və Kaşıkçı ölüb.

Mənbə bildirir ki, qətldən sonra əməliyyat üzvlərindən biri jurnalistin paltarını geyinib konsulluqdan çıxıb. Bu, Kaşıkçının guya diplomatik nümayəndəliyi sərbəst şəkildə tərk etdiyini müşahidə kamerasına düşməsi üçün edilib. Əslində isə Kaşıkçının cəsədini xalçaya bükərək İstanbuldan 90 kilometr kənarda meşəliyə çıxarıblar.

Adının açıqlanmasını istəməyən mənbə qeyd edib ki, Kaşıkçı dissidentlərin vətənə qaytarılması təşəbbüsü çərçivəsində Səudiyyə Ərəbistanına aparılmalı idi.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]