BolgeXeber.Com » Siyasət » İsrailin müdafiə naziri istefa verdiyini açıqlayıb

İsrailin müdafiə naziri istefa verdiyini açıqlayıb

14-11-2018, 17:19

Oxunub: 4 086

İsrailin müdafiə naziri Aviqdor Liberman İsrail hökumətinin fələstinlilərə qarşı siyasətinə etiraz olaraq istefa verib.

Bu barədə "Report" "Jerusalem Post"a istinadən məlumat verir.

"Buraya, həqiqətən, müdafiə naziri vəzifəsindən istefa verdiyimi elan etmək üçün gəlmişəm", - deyə A.Liberman Knessetdə (İsrail parlamentində) keçirilən görüşdən sonra jurnalistlərə bildirib.

Onun sözlərinə görə, Qəzza sektorunda atəşkəs elan edilməsi və bununla paralel vəziyyəti nizamlamağa cəhd göstərilməsi terror qarşısında təslim olmaqdır.

İsrail KİV-inin məlumatına görə, A.Liberman həmçinin növbədənkənar seçkilərin keçirilməsinə çağırış etmək niyyətindədir.

Qeyd edək ki, A.Libermanın istefası ölkənin baş naziri Binyamin Netanyahunu parlament çoxluğunun dəstəyindən məhrum etmir, amma İsraildə hakim sağçı-dini koalisiyanın mandatını 120-dən 61-ə endirir və bu amil növbədənkənar seçkilərin keçirilməsinin ehtimalını artırır.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]