BolgeXeber.Com » Siyasət » Yerevandan qayıtmış millət vəkili: "Ermənistanda sosial vəziyyət ağırdır"

Yerevandan qayıtmış millət vəkili: "Ermənistanda sosial vəziyyət ağırdır"

30-11-2018, 17:23

Oxunub: 3 590

Ə.Amaşov Yerevandakı Göy Məscidə baş çəkdiklərini də diqqətə çatdırıb

Bolgexeber.comTrend-ə istinadən xəbər verir ki, bunu Bakıda jurnalistlərə açıqlamasında Qara Dəniz İqtisadi Əməkdaşlıq Təşkilatının (QDİƏT) Parlament Məclisinin Ermənistanın paytaxtı Yerevanda keçirilən 52-ci sessiyasında iştirak etmiş Azərbaycan nümayəndə heyətinin üzvü, millət vəkili Əflatun Amaşov deyib.

O qeyd edib ki, yolların kənarındakı binalardan oradakı vəziyyətin necə olduğu aydın görünürdü: "Biz, əsasən, şəhərin mərkəzində olduq. Ölkə seçki ərəfəsindədir. Hava limanından şəhərə gedərkən yollardan, yolların kənarındakı binalardan oradakı vəziyyətin necə olduğu aydın görünürdü. Bakı ilə Yerevanı müqayisə etmək düzgün deyil. Dəyişiklik, fərq çox böyükdür".

Ə.Amaşov Yerevandakı Göy Məscidə baş çəkdiklərini də diqqətə çatdırıb:

"Parlament Məclisinin Azərbaycandan olan baş katibi Asəf Hacıyevlə fürsətdən istifadə edərək Yerevandakı Göy Məscidə baş çəkdik. Göy Məscid Azərbaycanın tarixi abidələrindən biridir. 1766-cı ildə İrəvan xanı Hüseynəli xanın göstərişi ilə inşa edilib. XIX əsrin II yarısında Ermənistanda təqribən 300-ə yaxın məscid fəaliyyət göstərib. Hətta 1990-cı illərə qədər də bir sıra məscidlər fəaliyyət göstərib. Bizim baş çəkdiyimiz Göy Məscid isə Ermənistanda olan yeganə məsciddir. 1995-ci ildən Ermənistan hökuməti ilə İran hökuməti arasında razılığa əsasən məscid İran tərəfinin maliyyəsi ilə təmir olunub. Hazırda bu məscid İranın Ermənistanda mədəniyyət mərkəzlərindən biri hesab olunur".

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]