Bizimlə əlaqə | Reklam
BolgeXeber.Com » Siyasət » Azərbaycan və Ermənistan qoşunlarının təmas xəttində növbəti monitorinq keçirilib

Azərbaycan və Ermənistan qoşunlarının təmas xəttində növbəti monitorinq keçirilib

28-03-2019, 15:32
Oxunub: 4 892 Azərbaycan və Ermənistan qoşunlarının təmas xəttində növbəti monitorinq keçirilibMartın 28-də ATƏT-in fəaliyyətdə olan sədrinin şəxsi nümayəndəsinin mandatına uyğun olaraq, Tərtər rayonu ərazisində yerləşən Azərbaycan və Ermənistan qoşunlarının təmas xəttində növbəti monitorinq keçirilib

Monitorinqdən əvvəl ATƏT-in fəaliyyətdə olan sədrinin şəxsi nümayəndəsinin səhra köməkçiləri Oqnyen Yoviç və Gennadi Petrika Tərtər rayon İcra Hakimiyyətinin başçısı Müstəqim Məmmədovla görüşüblər.
Tərtər Rayon İcra Hakimiyyətində keçirilən görüşdə ermənilərin yaşayış məntəqələrini atəşə tutması nəticəsində yaranan problemlər, cəbhə xəttində yaşayan dinc əhalinin üzləşdiyi çətinliklər barədə məlumat verilib. Rayon rəhbəri bildirib ki, Ermənistan silahlı birləşmələri rayonun təmas xəttinə yaxın olan yaşayış məntəqələrini daim atəş altında saxlayır, dinc əhalinin təsərrüfat işləri ilə məşğul olmasına imkan vermir.
Diqqətə çatdırılıb ki, sonuncu monitorinqin keçirildiyi 2019-cu ilin yanvar ayının 15-dən indiyədək atəşkəs rejimi 86 dəfə pozulub. Ötən monitorinqin keçirildiyi istiqamətdə əsasən rayonun Həsənqaya, Qapanlı və Qazyan kəndləri mütəmadi olaraq iriçaplı silahlardan atəşə tutulub.
ATƏT-in fəaliyyətdə olan sədrinin şəxsi nümayəndəsinin səhra köməkçiləri ətraflı məlumat üçün təşəkkür ediblər.
Monitroinq insidentsiz başa çatıb.

Bolgexeber.com
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]