Bizimlə əlaqə | Reklam
BolgeXeber.Com » Siyasət » Qaçqın müğənni işğal gününü necə unutdu?

Qaçqın müğənni işğal gününü necə unutdu?

7-04-2011, 12:10
Oxunub: 8 240
Qəndab Quliyeva Əhəd Abıyevin qardaşı oğlunun toy şənliyində Kəlbəcərin işğal olunmasını unudubmuş

Xəbər verdiyimiz kimi, aprelin 2-də Kəlbəcərin işğal günündə Daşkəsənin icra başçısı Əhəd Abıyevin Masallı rayon İcra Hakimiyyətinin birinci müavini olan qardaşı Nadir Abıyev oğluna toy edib. Bolgexeber.com-a verilən məlumatda bildirilirdi ki, Kəlbəcərin işğal günündə belə bir şadyanalığı təşkil edənlər toya xeyli sayda tanınmış müğənniləri də dəvət ediblər.

Bolgexeber.com-un əldə etdiyi yeni məlumatlara görə, Əhəd Abıyevin qardaşı oğlunun toyunda əməkdar artist Qəndab Quliyeva da mahnı oxuyub. Əslində, bir müğənninin toyda mahnı oxumasında qəbahətli heç nə yoxdur. Amma Kəlbəcərin işğal günündə əslən Füzuli rayonundan olan bir müğənninin mahnı oxuması qətiyyən başa düşülən deyil. Ən azından torpaq itkisi, qaçqın həyatının nə olduğunu onlar digərlərindən daha yaxşı bilməlidirlər.

Lakin görünən budur ki, Qəndab Quliyeva qohumlarının, əqrəbalarının qaçqın düşməsinin mahiyyətinə varmayaraq, işğal günlərini belə unudaraq, toylara qatılır. Belə olan halda, başqalarından nəsə gözləməyin nə yeri var?
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]