BolgeXeber.Com » Siyasət » Millət vəkilinizi tanıyırsınızmı ?–SORĞU -CƏLİLABADDA

Millət vəkilinizi tanıyırsınızmı ?–SORĞU -CƏLİLABADDA

22-05-2020, 13:32

Oxunub: 5 208

Xəbər verdiyimiz kimi, BÖLGƏ TV paytaxt və bölgələrdə həyata keçirdiyi “Deputat və seçici” adlı layihəsi davam etməkdədir. Layihə çərçivəsində biz paytaxt və bölgələrdə bir çox yerlərdə sorğumuzu apararaq müxtəlif cavablar almışıq. Bu dəfə Cəlilabad rayonuna yollandıq. Görək Cəlilabad rayon sakinləri 67 saylı Cəlilabad Şəhər Seçki Dairəsindən deputat seçilən Malik Həsənov haqda nə düşünür?
Cəlilabadın bir sıra kəndlərində sakinlər arasında apardığımız sorğudan aydın olan odur ki , millət vəkili Malik Həsənov öz seçiciləri ilə karantin dövründə də mütamadi olaraq görüşüb, onların problemlərini dinləyərək həllinə çalışır.
Seçicilər Malik Həsənovu tanıyır və millət vəkili sakinlər tərəfindən hörmətlə qarşılanır. Seçicilərin sözlərinə görə, Malik Həsənov Cəlilabad rayonunda aparılan quruculuq işlərinin həyata keçirilməsində əlindən gələni əsirgəmir , sakinlərin sosial problemlərinin həllində lazımı addımlar atır.
Bildiyiniz kimi Koronavirus (COVID-19) infeksiyasının yayılmasının qarşısını almaq məqsədilə Cəlilabad rayonu ərazisində də karantin rejimi çərçivəsində qabaqlayıcı və sosial izolyasiya tədbirləri davam etdirilir.

Sakinlərin BÖLGƏ TV –yə bildirdiyinə görə Cəlilabad rayonundan seçilmiş deputat Malik Həsənovun təşəbbüsü ilə xüsusi karantin rejiminin qaydalarına uyğun olaraq çölə çıxa bilməyən, eləcə də aztəminatlı ailələrə dəfələrlə yardım aksiyası keçirilib Rayonda yaşı 65-dən yuxarı olan, həmçinin aztəminatlı və imtiyazlı 1000-ə yaxın ailəyə baş çəkərək onlara ərzaq bağlamaları paylayıblar. Aksiya zamanı vətəndaşlara Nazirlər Kabineti yanında Operativ Qərargah tərəfindən ölkədə elan olunan xüsusi karantin rejiminə əməl edilməsinin zəruriliyi barədə məlumat verilib.
Bir sözlə Cəlilabad sakinləri öz deputatlarından məmnuqlarını bildiriblər.
Növbəti sorğumuz Salyan və Biləsuvar rayonlarında olacaq.
BÖLGƏ TV

Çox Oxunanlar