Bizimlə əlaqə | Reklam
BolgeXeber.Com » Siyasət » “Sadval” Azərbaycana qarşı hərəkətə keçir

“Sadval” Azərbaycana qarşı hərəkətə keçir

23-05-2013, 10:00
Oxunub: 5 408 Ölkəmizlə sərhəddə mitinq təyin olundu; separatçı təşkilatın tələbləri var

Separatçı ləzgi təşkilatı olan “Sadval” yaxın günlərdə Dağıstanın Azərbaycanla sərhəd Məhərrəmkənd rayonunda böyük mitinq keçirməyi planlaşdırır. Bu barədə musavat.com-a Dağıstandakı mənbələrdən məlumat daxil olub. Mənbənin dediyinə görə, mitinqin Məhərrəmkənd rayonunun Samur kəndində keçirilməsi planlaşdırılır.

Aksiyaya səbəb isə Samur çayının düzgün bölüşdürülməməsi, ləzgilərin Azərbaycanda hüquqlarının pozulması barədə iddialardır. Mənbənin dediyinə görə, adətən bu tip şüarlarla çıxış edən “Sadval”çılar aksiyada Dərbənd şəhərində Heydər Əliyev adına qoyulmuş küçənin adının ləğv olunmasını da mitinqdə tələb edəcəklər.
Xatırladaq ki, bu il may ayının 8-də Dərbənd Şəhər Şurasını Məclisinin 25-ci iclası keçirilib.

Mövsüm Rəhimovun sədrliyi ilə keçirilən iclasda şəhərin Sovetskaya küçəsinin adının Heydər Əliyev adına küçə ilə əvəzlənməsi müzakirə olunub.
Məclisdə çıxış edən Mövsüm Rəhimov Heydər Əliyevin Azərbaycan və Dağıstan arasında dostluğa verdiyi töhfələrdən danışıb və bu təklifi irəli sürüb. Məsələ səsverməyə çıxarılaraq qəbul edilib.

Xatırladaq ki, sözügedən küçə Dərbəndin ən böyük küçəsidir.

Artıq Rusiyada yaşayan ləzgilərin Milli Mədəni Muxtariyyətinin prezidenti Arif Kərimov ləzgi xalqına müraciət ünvanlayaraq, şəhər Məclisinin bu addımını pisləyib və küçənin adının dəyişdirilməsinə qarşı çıxış edib. Məsələnin maraqlı tərəfi odur ki, talış separatçısı kimi tanınan Fəxrəddin Abboszadə də flnka.ru-ya açıqlama verərək keçmiş Sovetskaya küçəsinin Heydər Əliyev adlandırılmasını tənqid edib.

Mənbənin dediyinə görə, sadvalçılar keçirəcəkləri mitinqə ciddi hazırlaşırlar. Hətta Rusiyanın mərkəzi telekanallarının Dağıstan bürolarına da aksiyanı geniş işıqlandırılması ilə balı müraciət ediblər. Bundan başqa, ləzgilərin Dağıstanda kompakt yaşadığı rayonlarda kəndbəkənd xüsusi vərəqələr paylanır.

Mitinqin təşkilatçılarından biri, “Sadval”ın sədri Nazim Hacıyev, onun müavinləri Əmirxan Babayev və İkram Yəhayev isə Dərbənddə və Dərbənd rayonunun Bilici qəsəbəsində əhali ilə görüşlər keçirirlər. Yeri gəlmişkən, xatırladaq ki, “Sadval” məhz Bilici qəsəbəsində elan edilib və onun ilk strukturları da bu qəsəbədə yaradılıb.
Mənbə deyir ki, mitinqlə bağlı xüsusi təbliğatçılar qrupu da yaradılıb. Onlar Dağıstanda yaşayan ləzgilərdən Azərbaycan ərazisində yaşayan qohumlarının da aksiyaya cəlb olunmasına çalışırlar.

Mitinqi aparacaq şəxsin kimliyi də bəllidir. B şəxs, daim Azərbaycana qarşı çıxışları ilə məşhur Hacı Abulrəhimovdur.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]