Bizimlə əlaqə | Reklam
BolgeXeber.Com » Siyasət » Ramiz Mehdiyevlə Əli Həsənov bu vəzifələrindən də ÇIXARILIR

Ramiz Mehdiyevlə Əli Həsənov bu vəzifələrindən də ÇIXARILIR

9-09-2020, 14:21
Oxunub: 4 906 Prezident yanında Dövlət İdarəçilik Akademiyası bu ali təhsil ocağındaki 6 kafedraya müdir vəzifəsinin tutulması müsabiqə elan edib.
Modern.az-ın məlumatına görə, bunlar aşağıdakı kafedralardı: 
Politologya  və siyasi idarəetmə  - kafedra müdiri
Dövlət qulluğu və kadr siyasəti  -  kafedra müdiri
Beynəlxalq münasibətlər və xarici siyasət - kafedra müdiri
Dövlət idarəetməsi  və menecment  - kafedra müdiri
Fəlsəfə və sosial psixologiya  - kafedra müdiri
Dillər - kafedra müdiri 
Müsabiqə ilə bağlı elanda bildirilib ki, bu istiqamətlər üzrə vəzifələrin tutulması üçün elmlər doktoru və fəlsəfə doktoru elmi dərəcəsi olan şəxslər iştirak edə bilərlər.
“Sənədləri bu elan dərc edilən gündən bir ay müddətində təqdim etmək olar”,-deyə Akademiya bəyan edib.
Müsabiqə 2020-ci il sentyabrın 4-də elan edilib.
Modern.az-ın məlumatına görə, elanda diqqətçəkən məqam müsabiqəyə çıxarılan Dövlət qulluğu və kadr siyasəti ilə Beynəlxalq münasibətlər və xarici siyasət kafedraları ilə bağlıdır. Çünki hazırda bu iki kafedraya ölkənin ictimai-siyası arenasında tanınmış simalar rəhbərlik edirlər.
Belə ki, Dövlət İdarəçilik Akademiyasının saytındakı məlumata görə, hazırda Dövlət qulluğu və kadr siyasəti kafedrasının müdiri vəzifəsini Prezident Administrasiyasının sabiq rəhbəri, Azərbaycan Milli Elmlər Akademiyasının prezidenti, akademik Ramiz Mehdiyev tutur.
Beynəlxalq münasibətlər və xarici siyasət kafedrasının müdir vəzifəsinin qarşısında isə Prezident Administrasiyasının sabiq şöbə müdiri Əli Həsənovun adı yazılıb.
Beləliklə, Dövlət İdarəçilik Akademiyası həmin kafedralara yeni müdir axtarmaqla Ramiz Mehdiyev və Əli Həsənovla vidalaşmağa hazırlaşır.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]