Bizimlə əlaqə | Reklam
BolgeXeber.Com » Siyasət » Novella Cəfəroğlu: “Ümid edirəm ki, Tofiq Yaqublu tezliklə azad ediləcək"

Novella Cəfəroğlu: “Ümid edirəm ki, Tofiq Yaqublu tezliklə azad ediləcək"

9-09-2020, 17:50
Oxunub: 5 211 "İnsan Hüquqları üzrə Birgə İşçi Qrupunun üzvləri olaraq Tofiq Yaqublunun azad edilməsi üçün müəyyən görüşlər keçiririk”.

Bu barədə "Report”un sorğusuna cavab olaraq hüquq müdafiəçisi Novella Cəfəroğlu deyib.

Onun sözlərinə görə, Togiq Yaqublunun azad edilməsi üçün həm ölkə başçısına, həm də müvafiq instansiyalara müraciətlər edilib və danışıqlar aparılır:

"Bu günlərdə Milli Məclisin İnsan hüquqları komitəsinin sədri Zahid Orucla da "Zoom” üzərindən görüşümüz oldu və yaxın vaxtlarda üzbəüz görüşümüz də olmalıdır”.

N.Cəfəroğlu yaxın günlərdə Tofiq Yaqublunun azad ediləcəyinə ümid etdiyini bildirir:

"95 faiz ümid edirəm ki, o, tezliklə həbsdən buraxılacaq. Çünki onun həbs edilməsi bizim dövlətə lazım olmayan hərəkət idi. Biz xarici dövlətlərin təzyiqindən qorxmuruq, amma bu həbs nə hökumətə, nə dövlətə, nə də dövlətçiliyə uyğun deyildi. İnşallah, yaxın günlərdə onu azadlıqda görəcəyik!”

Qeyd edək ki, T.Yaqublu artıq 8 gündür aclıq etdiyini açıqlayıb.

Xatırladaq ki, Nizami Rayon Məhkəməsi Tofiq Yaqublunun 4 il 3 ay müddətinə azadlıqdan məhrum edilməsi barədə hökm çıxarıb.

İttihama görə, avtomobil qəzası zamanı T.Yaqublu digər maşının sürücüsünü və yanında olan onun həyat yoldaşını təhqir edib, vurub, sürücüyə vintaçanla xəsarət yetirib. 

O, ittihamları qəbul etmədiyini bildirir.

Hökmdən apellyasiya şikayəti verilib
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]