Bizimlə əlaqə | Reklam
BolgeXeber.Com » Siyasət » Baş Prokurorluq: Ermənistanın vurduğu zərərin məbləğinin müəyyənləşdirilməsi üçün müvafiq komissiyalar yaradılır

Baş Prokurorluq: Ermənistanın vurduğu zərərin məbləğinin müəyyənləşdirilməsi üçün müvafiq komissiyalar yaradılır

31-10-2020, 18:36
Oxunub: 4 800 Baş Prokurorluqda Ermənistan silahlı qüvvələrinin təcavüzlərinə qarşı üç kateqoriyada cinayət işləri başlanılıb.
Bu barədə Hərbi İnformasiya Mərkəzinin brifinqində Baş Prokurorluğun Mətbuat xidmətinin rəhbəri Günay Səlimzadə bildirib.
O qeyd edib ki, birinci kateqoriyada başladılan cinayət işləri cəbhə bölgəsindən kənarda yerləşən Azərbaycanın şəhər və rayonlarına vurulmuş ziyanla bağlıdır: “İkinci kateqoriyada başladılan cinayət işləri işğal altında olan ərazilərdə qanunsuz iqtisadi fəaliyyətin aparılması ilə əlaqədardır. Üçüncü kateqoriya isə işğaldan azad olunmuş və işğal altında qalan ərazilərdə tarixi abidələrin məhvi və ekologiya cinayəti ilə bağlıdır. Hazırda hər cinayət işi üzrə prokurorluq əməkdaşları tərəfindən mümkün olan tədbirlər aparılır, hadisə yerlərinə baxış keçirilir. Dəymiş zərərin müəyyən edilməsi üçün müvafiq ekspertizalar, həmçinin məhkəmə-əmtəəşünaslıq ekspertizaları təyin edilir. Zərərin məbləğinin müəyyənləşdirilməsi üçün müvafiq komissiyalar yaradılır. Ermənistanın işğalçılıq və təcavüzkar aktları barədə beynəlxalq ictimaiyyəti məlumatlandırmaq üçün mümkün bütün tədbirlər görülür. Təqsirkar şəxslərin həm milli, həm beynəlxalq qanunvericiliyin tələblərinə əsasən məsuliyyətə cəlb olunması və sanksiyaların tətbiq olunması məqsədilə bütün tədbirlər görülməkdədir. Bunun üçün beynəlxalq təşkilatlara müraciət edilməsi təmin olunacaq”. 
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]