BolgeXeber.Com » Siyasət » Azərbaycan, Rusiya və Ermənistan rəsmiləri sabah Moskvada görüşəcək

Azərbaycan, Rusiya və Ermənistan rəsmiləri sabah Moskvada görüşəcək

26-01-2021, 13:10

Oxunub: 5 364

Yanvarın 27-də Moskvada Rusiya, Azərbaycan və Ermənistan nümayəndələri arasında Cənubi Qafqazda nəqliyyat əlaqələrinin bərpası mövzusunda danışıqlar keçiriləcək.

RBK məlumat verir ki, danışıqlarda tərəfləri hökumət başçılarının birinci müavinləri təmsil edəcək.

Aleksey Overçuk, Şahin Mustafayev və Mqer Qriqoryanın, ilk növbədə bölgədə yeni dəmiryolları xətlərinin inşası məsələsini müzakirə edəcəkləri gözlənilir.

Qeyd edək ki, danışıqların hazırkı formatı yanvarın 11-də Rusiya və Azərbaycan prezidentləri, eləcə də Ermənistan baş nazirinin iştirakı ilə keçirilmiş üçtərəfli görüş zamanı təsdiqlənib.

Danışıqlarda həmçinin Ermənistan ərazisindən keçməklə Azərbaycanın əsas hissəsini Naxçıvanla birləşdirəcək dəmir yolunun inşası məsələsi müzakirə olunacaq. Dəmiryolu ilə paralel avtomobil yolunun inşası da gündəmdədir.

Bunun əvəzində Azərbaycandan keçməklə Rusiya ilə Ermənistanı birləşdirəcək dəmiryolu xətti açılacaq.

Qeyd edək ki, hazırda iki ölkə arasında dəmiryolu əlaqəsi mövcud deyil. RBK-nın məlumatına görə, danışıqlarda Naxçıvandan keçməklə Ermənistanı İranla birləşdirəcək dəmiryolu xəttinin tikintisi də müzakirə ediləcək.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]