Parlamentdə boş qalan yerə seçkilər nə vaxt keçiriləcək? - AÇIQLAMA
15-12-2021, 12:13
Oxunub: 3 608
Seçki qanunvericiliyində parlamentdə boş qalan yerlərə seçkilərinin nə vaxt keçirilməsinə dair məsələlərin konkret mexanizmləri sona qədər açıqlanmayıb. Qanunvericiliyin özündə bununla bağlı problemlər var. Seçki Məcəlləsində nəticələri ləğv edilən dairələr üzrə təkrar seçkilərin 60 gün müddətində keçirilməsi məsələsi öz əksini tapsa da, konkret zaman göstərilməyib.Bu sözləri Axar.az-a Konstitusiya Araşdırmaları Fondunun rəhbəri Əliməmməd Nuriyev parlamentə boş qalan yerlərə seçkilərin keçiriləcəyi ilə bağlı MSK sədri Məzahir Pənahovun açıqlamasına münasibət bildirərkən deyib.
Ə.Nuriyev 2020-ci il 9 noyabr seçkiləri zamanı ləğv edilən 4 (33, 35, 74 və 80 saylı dairələr) dairə üzrə 1 il 10 ay ərzində seçkilərin niyə keçirilməməsi barədə bunları deyib:
“Bunun başqa səbəblər də var. 2020-ci ildən ölkədə koronavirus pandemiyası yayıldı. Bu dövrdə isə hüquq və azadlıqların müəyyən qədər məhdudlaşdırılması baş verdi. Dövlətin borcu da ondan ibarətdir ki, vətəndaşları bugünkü təhlükələrdən qorumaq üçün etibarlı təminat sistemi yaratsın. Bu, seçki prosesinin bütövlükdə tam ədalətli, demokratik, obyektiv, hərtərəfli keçirilməsinə maneə yarada bilərdi. Həmçinin Azərbaycan ərazisində 2020-ci ildə hərbi vəziyyət elan olundu. Ölkədə səfərbərlik elan olunarkən hər hansı bir seçki keçirilə bilməz”.
Ə.Nuriyevin sözlərinə görə, parlamentə boş qalan yerlərə seçkilərin keçirilməsi fevral ayından sonra baş tuta bilər:
“Hazırda ölkəmizdə pandemiya davam edir və məhdudiyyətlər tam aradan qaldırılmayıb. Bu, parlamentdə boş qalan yerlərə seçkilərin keçirilməsini ləngidən əsas səbəblərdəndir. Seçkilərin belə məhdudlaşdırıcı şəraitdə keçirilməsi doğru olmaz. Fevral ayında bütövlükdə ölkə ərazisində peyvəndləmənin tam olaraq başa çatması gözlənilir. Bu da kütləvi immunitetin yaranması deməkdir. Belə halda seçkilərin keçirilməsi imkanları böyüyür”.
Çox Oxunanlar
- 7-06-2025, 17:45 : Türkiyədə güclü meşə yanğını olub
Dünya / Xəbərlər - 21-06-2025, 17:51 : İran təcili çağırış etdi
Dünya / Xəbərlər - 4-06-2025, 14:06 : Bərdə rayon İcra Hakimiyyəti başçısının Qaradağlı kəndində səyyar qəbul-görüşü keçirilib
Bölgə / Xəbərlər - 11-06-2025, 17:31 : Boksçumuz doğum günündə uğur qazandı
İdman / Xəbərlər - 5-06-2025, 13:32 : Röyanın keçmiş ərindən çağırış- BARIŞDIRIN
Şou-Biznes / Xəbərlər - 2-06-2025, 09:58 : Prezident İlham Əliyevin 28 May 2025-ci il tarixində Laçın şəhərinə səfəri – Müstəqilliyin və Qələbənin rəmzi
Analitika / Xəbərlər - 5-06-2025, 12:59 : "Neftçi" yeni transferini edib
İdman / Xəbərlər - 7-06-2025, 15:38 : Məşhur futbolçu "İnter" də- Rəsmi
İdman / Xəbərlər - 28-06-2025, 18:23 : Azərbaycan Pakistana başsağlığı verdi
Siyasət / Xəbərlər - 3-06-2025, 11:27 : Bakı Enerji Həftəsi
Analitika / Xəbərlər
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!
Azərbaycan Respublikası, Bakı şəhəri
(+99470) 600 50 01
(+99450) 229 29 20
(+994 70) 734 50 00
