BolgeXeber.Com » Siyasət » Əyalətlərdə Milli Şuraya dəstək artır

Əyalətlərdə Milli Şuraya dəstək artır

28-08-2013, 10:35

Oxunub: 4 621

Hətta yerli məmurların yaxınları belə müxalifətin əsas birliyinə yardımçı olmağa hazırdırlar

Müxalifətin əsas birliyi olan Milli Şuranın Cəmil Həsənlini ehtiyat vahid namizəd seçməsindən sonra cəmiyyətdə proseslərə maraq artmağa başlayıb. jam.az xəbər verir ki, Milli Şuraya marağın artdığı əsas yer isə əyalətlərdir.

Daxil olan məlumatlardan belə aydın olur ki, əyalət insanları ölkədə total dəyişikliyin tərəfdardırlar və bunun üçün aparılan siyasi mübarizədə yardımçı olmağa çalışırlar. Hələlik onlar bunu açıq şəkildə etməsələr də, əlverişi məqam yaranan kimi, müxalifətlə birlikdə hərəkət edəcəyi də şübhəsizdir.

İşin maraqlı tərəflərindən biri də odur ki, Cəmil Həsənlinin namizədliyini irəli sürmək üçün gərəkən imzaların toplanılmasında da bu şəxslər fəal olmağa hazırdırdar. Üstəlik, yerli məmurların qohumları belə prosesdə yaxından iştirak etməkdə maraqlıdırlar. Onlar da artıq bezdiklərini və bu şəkildə davam etməyin mümkün olmadığını vurğulayırlar. Onların bəziləri isə hakimiyyətin deyil, Milli Şuranın namizədinin xeyrinə imza vermək üçün gözləyirlər.
Bolgexeber.com

Çox Oxunanlar