Bizimlə əlaqə | Reklam
BolgeXeber.Com » Bölgə » Masallıda sahibkar ailəsi ilə birgə acliğa başlayir

Masallıda sahibkar ailəsi ilə birgə acliğa başlayir

27-10-2011, 11:35
Oxunub: 6 433 Yaşar Mahmudov qanuni obyektinin sökülməsinə bu yolla etiraz edir

Masallı şəhəri, R.Axundov küçəsi, ev 3-ün sakini Yaşar Abı oğlu Mahmudov redaksiyamıza məktubla müraciət edib. Yazır ki, sahibkar kimi fəaliyyət göstərir, lakin onun kimi yüzlərlə sahibkarın hüquqları pozulub, ailələrinin yeganə dolanışıq yeri olan ticarət obyektləri sökülüb.

“Mənim 1200 kvadratmetr sahəyə malik ticarət obyektim sökülüb, ayrı-ayrı şəxslərə satılıb. İcra başçısı öz şəxsi maraqları üçün sahibkarların yerini sökərək geniş miqyaslı biznes qurur, etiraz edənləri həbs etdirir (bu barədə faktlar var)” - deyə Y.Mahmudov yazır.

Məktub müəllifi bildirir ki, 4 ildir ölkə rəhbərliyinə, dövlət qurumlarına müraciətləri cavabsız qalıb: “Təqib, təzyiq, şantajlara, həbslərə məruz qalırıq. Bütün bunlara etiraz əlaməti olaraq oktyabrın 29-u saat 11:00-dan ailəvi aclıq aksiyasına başlayacağıq”.

Dünən Masallı Rayon İcra Hakimiyyəti ilə əlaqə saxladıq. RİH-dən bildirildi ki, belə məzmunlu məktub bir neçə gündür ki, bu quruma da daxil olub: “5-6 gün olar belə bir məktub icra hakimiyyətinə də daxil olub, araşdırma aparılır”.

Başqa bir mənbədən aldığımız məlumata görə, Prezidentin Ehtiyat Fondundan rayonların abadlaşdırılması üçün ayrılan vəsait mənimsənilir və yol kənarında, mərkəzi küçələrdə olan ticarət obyektləri sahibkarların öz vəsaitləri hesabına təmir edilir, yaxud yenidən qurulur. Mövzuya qayıdacağıq.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]