BolgeXeber.Com » Bölgə » Şirvanda sahibsiz itlərin sayı artıb

Şirvanda sahibsiz itlərin sayı artıb

1-11-2011, 13:50

Oxunub: 4 680

Şəhər sakinlərinin rahatlığı əlindən alınıb

Şirvan şəhərində sahibsiz itlərin sayı artıb. Bu isə yerli sakinlərin narazılığına səbəb olub. Tez-tez adamlara hücüm edən itlər sakinlərin bütün rahatlığını əlindən alıb. Bütün günü sahibsiz itlərin dişləyəcəyindən qorxan sakinlər bu təhlükədən nə qədər qorunmaq istəsələr də, itlər ziyan vurmaqda davam edir.

Bolgexeber.com-a məlumat verən şəhər sakinlərinin sözlərinə görə, yem tapa bilməyən belə itlər dəfələrlə insanlara hücum edib. Günbəgün sayı artan küçə itləri böyüklərlə yanaşı azyaşlı məktəbliləri də təşvişə salıb. Onlar məktəbə gedərkən böyük çətinliklərlə qarşılaşdıqlarını deyirlər. Şəhər sakinləri isə sahibsiz itlərin çoxalmasının böyük fəsadlara yol açdığını deyir. Şəhər sakinləri son vaxtlar itlərin insanları dişləməsi ilə əlaqədar xəstəxanaya müraciətlərin sayının artdğını bildirirlər. Yaxın günlərdə isə növbəti dəfə insanları narahat edən belə itlərin vurulması ilə bağlı tədbir görüləcəyinə ümüid edirlər.

Qeyd edək ki,Şirvan şəhər sakinləri mütamadi olaraq bu problemlə qarşılaşırlar. Onlar sahibsiz itlərin artmasını şəhərdə zibilxanaların çox olması ilə əlaqələndirirlər.

Çox Oxunanlar