BolgeXeber.Com » Bölgə » Qısqanc ər cavan arvadını fermada amansızlıqla öldürdü

Qısqanc ər cavan arvadını fermada amansızlıqla öldürdü

19-11-2011, 23:05

Oxunub: 4 938

Şamaxıda dəhşətli qətl hadisəsi baş verib

Şamaxı rayonunda dəhşətli qətl hadisəsi baş verib. Rayon Polis Şöbəsindən Bolgexeber.com-a verilən məlumata görə, 1987-ci il təvəllüdlü Elyazov Şöhrət Ağadadaş oğlu həyat yoldaşı, 1987-ci ildə anadan olmuş Niyazova Gültəkin Babagül qızını qətlə yetirib. Məlumata görə, Ş.Elyazov həyat yoldaşını Göylər kəndinə gedən yolun kənarında, Çarxan kəndi ərazisindəki köhnə quşçuluq təsərrüfatının hazırda istifadə olunmayan binasına apararaq orada ona çoxsaylı bıçaq zərbələri endirib. 24 yaşlı qadın hadisə yerində ölüb.

Hadisəni törədən Ş.Elyazov könüllü olaraq polisə təslim olub və bıçağı təhvil verib. Faktla əlaqədar Cinayət Məcəlləsinin 120.1-ci (qəsdən adam öldürmə) maddəsi ilə iş başlanılıb.

Qeyd edək ki, hadisə qısqanclıq zəminində baş verib. Qətlin təfərrüatları barədə geniş məlumat verilmir.

Çox Oxunanlar