BolgeXeber.Com » Bölgə » Şirvanda 25 yaşlı gəlin ər evində özünü yandıraraq intihar etdi

Şirvanda 25 yaşlı gəlin ər evində özünü yandıraraq intihar etdi

25-11-2011, 16:40

Oxunub: 3 585

Bu barədə bolgexeber.com-a Şirvan şəhər Prokurorluğunun əməkdaşı Qalina Hüseynova məlumat verib.

Gülnar Saleh qızı Məmmədova noyabrın 18-də üstünə benzin tökərək özünü yandırıb. Ağır vəziyyətdə təcili olaraq Bakıya, 5 saylı xəstəxanaya yerləşdirilən Gülnar Məmmədovanın həyatını xilas etmək mümkün olmayıb. O, bu gün dünyasını dəyişib.

İlkin məlumata görə, hadisə ailə-məişət zəminində baş verib. Faktla bağlı Şirvan şəhər Prokurorluğunda Azərbaycan Respublikasının Cinayət Məcəlləsinin 125-ci maddəsi ilə (özünü öldürmə həddinə çatdırma) cinayət işi açılıb, istintaq gedir.

Gülnarın atası Saleh kişi isə bildirdi ki, ər evində qızını uzun müddət incidiblər. “Qayınanası və qaynı qızımı incidirdi. Qaynı Gulnarı döyürdü. Qız sonda özünü öldürmək həddinə çatıb. Benzini üstünə töküb ki, özümü yandıracağam. Qaynı da deyib ki, bunu eləyə bilməzsən. Onu intihara şövq edib”.

G. Məmmədova 4 il imiş ki, ərə gedib.

Çox Oxunanlar