BolgeXeber.Com » Bölgə » Rəsmi qəzetlərə məcburi abunə yazilişı

Rəsmi qəzetlərə məcburi abunə yazilişı

1-12-2011, 10:50
Oxunub: 3 233 Neftçalada həkim və tibb bacılarından ""qəzetpulu yığırlar

Neftçala rayonunda əmək kollektivlərində çalışanları məcburi şəkildə dövlət qəzetlərinə abunə yazdırırlar.
Neftçalanın mərkəzi xəstəxanasının baş həkimi Telman Zahidov həkimlərdən 7,2 manat, tibb bacılarından isə 4 manat məcburi abunə haqqı toplayır. Onlardan «Azərbaycan», «Xalq qəzeti», «Respublika» kimi qəzetlərə məcburi abunə yazılmağı tələb edirlər.

Xəbərdə bildirilir ki, eyni iş digər yerli idarə və müəssisələrə həvalə olunub. Məcburi qaydada həyata keçirilən bu proses hər dəfə narazılıq yaratsa da, buna əhəmiyyət verən yoxdur. Çünki əmr yuxarıdan gəlib və onun icrası da məcburidir. Neftçala rayonunda da artıq qəzetlərə abunə prosesinə start verilib.

Rayon xəstəxanasının baş həkim Telman Zahidov bütün həkim personalını yığaraq, onlardan məcburi qaydada pul yığmağa başlayıb. Məlumatı verən mənbə bildirib ki, yığılan pul üç aylıq abunə haqqı üçün nəzərdə tutulub və mart ayında yenidən eyni kampaniya aparılacaq.