BolgeXeber.Com » Bölgə » Günün daha bir faciəsi: ana ilə qız yanaraq öldülər

Günün daha bir faciəsi: ana ilə qız yanaraq öldülər

27-12-2011, 12:00

Oxunub: 4 919

Bərdə rayonunun Böyük Göyüşlü kəndində 2 nəfərin ölümü, 3 nəfərin xəsarət alması ilə nəticələnən yanğın hadisəsi baş verib.

Bolgexeber.com –un Bərdə rayon prokurorluğuna istinadən verdiyi məlumata görə, yanğın bu gün səhər saat 6:00 radələrində Böyük Göyüşlü kəndində Mahir Kazımova məxsus fərdi yaşayış evində baş verib.

Hadisə zamanı evdə olan 1927-ci il təvəllüdlü Kazımova Səyalı Əsəd qızı və onun qızı, 1965-ci il təvəllüdlü Kazımova Sevda Heydər qızı ölüb. Ailənin digər 3 üzvü müxtəlif dərəcəli yanıq xəsarətləri ilə Bərdə rayon Mərkəzi Xəstəxanasına yerləşdirilib. Hadisənin başvermə səbəbi araşdırılır.

Faktla bağlı rayon prokurorluğunda təhqiqat aparılır.

Çox Oxunanlar