Bizimlə əlaqə | Reklam
BolgeXeber.Com » Bölgə » Azərbaycanda görünməmiş dələduzluq

Azərbaycanda görünməmiş dələduzluq

10-01-2012, 19:30
Oxunub: 6 909 35 yaşlı qadın mühasib xəstəxana işçilərinin pulunu alıb ölkədən qaçdı

Tərtər rayonunda əhaliyə külli miqdarda ziyan vurmaqla dələduzluq etmiş şəxs Rusiyaya qaçıb. Bolgexeber.com-un məlumatına görə, Qapanlı kənd sakini, 1977-ci il təvəllüdlü Xəlilova Gülafət Yaqub qızı Tərtər sakini Fizzə Əliyeva, Rahilə İmanova, Aygün Əhmədova, Afaq Şeydayeva, Şövkət Rzayeva, Xədicə İsmayılova, Zeynəb Məmmədova və Sabir Məmmədovun etimadını qazanaraq, onlardan külli miqdarda pul alıb.


Saytımızın əldə etdiyi digər məlumata görə, G.Xəlilova Tərtər rayon Mərkəzi xəstəxanasının mühasibidir. O, əsasən həmin xəstəxananın işçiləri olan yuxarıda adları qeyd olunan şəxslərə müxtəlif problemlərini həll edəcəyi ilə bağlı söz verib və ümumilikdə 40 min manatdan artıq pul alıb. Lakin söz verdiyi məsələləri həll etməyən 35 yaşlı mühasib qəfildən yoxa çıxıb. Məlum olub ki, G.Xəlilova Rusiyadadır və geri qayıtmaq fikri yoxdur.


Artıq faktla əlaqədar bütün materiallar toplanılıb və Cinayət Məcəlləsinin 178.3.2-ci maddəsi ilə (külli miqdarda ziyan vurmaqla dələduzluq) iş başlanılıb. Araşdırmalar davam etdirilir. G.Xəlilova tezliklə ölkəyə qayıtmasa, onun axtarışa verilməsi gözlənilir.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]