Bizimlə əlaqə | Reklam
BolgeXeber.Com » Bölgə » Yüksək sürət Masallıda 3 nəfərin canını aldı

Yüksək sürət Masallıda 3 nəfərin canını aldı

13-10-2010, 10:35
Oxunub: 7 844

Maşın əvvəlcə ağaca çırpılıb, sonra isə yaxınlıqdakı su kanalına düşüb

Masallı rayonunda 3 nəfərin ölümü ilə nəticələnən ağır yol qəzası baş verib. “Bolgexeber.com”-un bölgə müxbirinin məlumatına görə, hadisə axşam saat 21.00 radələrində Masallı-Boradigah yolunun 10-cu kilometrliyində, rayonun Dəmirçi kəndi ərazisində baş verib.

Rayonun Qızılavar kənd sakini, 20 yaşlı Surac Qulamhüseyn oğlu Məmmədovun idarə etdiyi “Mercedes-190” markalı 90-DV 182 dövlət nömrə nişanlı avtomaşın Masallı istiqamətində hərəkətdə olarkən idarəetməni itirərək yoldan çıxıb. Maşın əvvəlcə yolun kənarındakı ağaca çırpılıb, sonra isə yaxınlıqdakı su kanalına düşüb.

Hadisə nəticəsində maşın tam yarasız vəziyyətə düşüb və maşında olanların üçü də, Qızılavar kənd sakinləri – 20 yaşlı sürücü Curac Qulamhüseyn oğlu Məmmədov, onun sərnişinləri 31 yaşlı Nemət Balakişi oğlu Bayramov və 31 yaşlı Ramin Heydər oğlu Lətifov ölüb.

Maşın və içindəkilər kanaldan kənd sakinlərinin köməkliyi ilə çıxarılıb. Hər 3 meyit müayinə edilməsi üçün məhkəmə tibbi ekspertiza və pataloji anatomiya birliyinin Masallı rayon şöbəsinə gətirilib və müayinə edildikdən sonra sahiblərinə verilib.

Qeyd edək ki, Masallı rayon polis şöbəsi dövlət yol polisinin əməkdaşları hadisə yerində olub və ilkin araşdırmalara başlanılıb. Şöbənin işi araşdıran müstəntiqi hadisənin yüksək sürət səbəbindən baş verdiyini bildirib.

Artıq faktla bağlı Msallı rayon polis şöbəsində AR CM-nin 263.3 maddəsi ilə cinayət işi başlanıb.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]