BolgeXeber.Com » Bölgə » Hacıqabuldda Əmək yarmarkası keçirildi-FOTO

Hacıqabuldda Əmək yarmarkası keçirildi-FOTO

7-09-2015, 13:56

Oxunub: 817 Hacıqabuldda Əmək yarmarkası keçirildi-FOTO

Hacıqabul rayon Mədəniyyət evində Əmək Yarmarkası keçirildi

Bolgexeber.com xəbər verir ki,Yarmarkanın keçirilməsi üçün rayon Məşğulluq Mərkəzi tərəfindən əvvəlcədən tədbirlər planı hazırlanmış, əhaliyə müraciət vərəqələri paylanılmış, müəssisə və təşkilat rəhbərlərinə xəbərdarlıq və bildirişlər göndərilmişdir. Əmək Yarmarkasında rayon İcra Hakimiyyətinin birinci müavini Sahib Aslanov, RİHB-nın müavini, sosial inkişafın təhlili və proqnozlaşdırılması şöbəsinin müdiri Fikrət Qasımov, Dövlət Məşğulluq Xidmətinin Yerli orqanlar sektorunun məsləhətçisi Xətai Mehrəliyev iştirak edirdilər.
Yarmarkada 230 nəfər vətəndaş iştirak etmişdir. Rayonda fəaliyyət göstərən 21-i dövlət, 12-si qeyri-dövlət olmaqla 33 idarədən 131 boş iş yeri toplanmışdır. Bu iş yerlərinin 118 –i dövlət, 13-ü isə qeyri-dövlət müəssisələrindən toplanmışdır. Bunlardan 78 nəfəri fəhlə, 53 nəfəri isə qulluqçu idi.
Əmək Yarmarkasında 94 nəfərə işə göndəriş verilmiş, 3 nəfər kvota yerinə işə göndərilmiş, 10 nəfər ictimai işlərə, 12 nəfər isə peşə kurslarına cəlb olunmuşdur.

Çox Oxunanlar