Bizimlə əlaqə | Reklam
BolgeXeber.Com » Bölgə » Qubalılar Rauf Həbibovun həbsini tələb edir

Qubalılar Rauf Həbibovun həbsini tələb edir

3-03-2012, 18:40
Oxunub: 5 643 İstintaqın gedişində eks icra başçısının həbsi reallaşa bilər

Qubada baş verənlərdən sonra icra başçısı Rauf Həbibovun ölkə başçısı İlham Əliyevin sərəncamı ilə vəzifədən uzaqlaşdırıldı. Bu səbəbdən də qubalılar bu gün bayram aksiyası keçirərək prezidentə bu addımına görə təşəkkür ediblər.

Bolgexeber.com-un Qubaya ezam olunmuş əməkdaşının verdiyi məlumata görə, bayram aksiyasında rayon sakinləri hüquq-mühafizə orqanlarına müraciət edərək Rauf Həbibovun həbs edilməsini tələb ediblər.

Rayon sakinləri bildirib ki, Rauf Həbibov vəzifədə olduğu müddətdə rayonda aşkar biznes fəaliyyəti ilə məşğul olmaqla yanaşı, həm də vətəndaşların əmlakını, torpaq sahələrini, alma bağlarını əllərindən alaraq onların əksəriyyətinin rayonda yaşamasına imkan verməyib. Bu səbəbdən də Həbibovun həbs edilərək qanunlar qarşısında cavab verməsi tələb olunub. Rayon sakinləri bildiriblər ki, bu tələblərlə onlar güclü olduqlarını göstərmək yox, haqq-ədalətin bərpa olunmasına çalışırlar.

Qeyd edək ki, məlumatlı mənbədən əldə etdiyimiz məlumata görə, artıq Rauf Həbibov ifadə vermək üçün Respublika Baş Prokurorluğuna çağırılıb və onun rayondakı hadisələrlə bağlı ifadəsi alınıb. Ehtiamal ki, istintaqın gedişində eks icra başçısının həbsi reallaşın.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]