Altıağac Milli Parkdakı ağacları kim qırır? - FOTO
29-09-2015, 17:10
Oxunub: 4 484
Bəzi işbazlar sahənin kol-kos olduğunu iddia edib arı saxlamaq məqsədi ilə icarəyə götürdükləri haqda düzəltdikləri saxta sənədləri göstərərək Altıağac Milli Parkının ərazisindəki ağacları qırır, fərdi yaşayış evləri tikdirirlər
Xızı rayonunun vətəndaşı Aydın Məmmədov qafqazinfo-ya müraciət edib. Onun sözlərinə görə 27 senyabr tarixində, yəni bazar günü, saat 9:30 radələrində istirahət üçün Altıağac Milli Parkına getdiyi zaman ərazidə traktorun işlədiyini görüb. A.Məmmədov parka aid olan meşə sahəsində (Altıağac kəndinin "at qəbiristanlığı" deyilən ərazidə) ağacların qırıldığını deyib: "Mən əraziyə çatdığım zaman traktor artıq bir necə ağacı kökündən çıxartmışdı. Mənim onun şəkillərini çəkdiyimi görən traktorçu sifariş əsasında iş gördüyünü bildirdi. Hər hansı bir şikayətim olduğu təqdirdə sifarişçiyə zəng etməyimi deyib işinə davam etməyə başladı. Ekologiya və Təbii Sərvətlər Nazirliyinin 168 qaynar xəttinə və Xızı rayon İcra Hakimiyyətinə dəfələrlə zəng etsəm də, istirahət günü olduğundan cavab verən olmadı. Traktorçu inadkarlığımı görüb "işbazlarla" əlaqə saxladıqdan sonra işini yarımçıq qoyaraq hadisə yerini tərk etdi".
A.Məmmədov onu da qeyd edib ki, bu ərazidə yaşanan birinci hal deyil: "Bəzi işbazlar sahənin kol-kos olduğunu, arı saxlamaq məqsədi ilə icarəyə götürdükləri haqda düzəltdikləri saxta sənədləri göstərərək Altıağac Milli Parkının ərazisindəki ağacları qırır, fərdi yaşayış evləri tikdirirlər. Maraqlısı odur ki, yol çəkilməsi planlanan sahədə 5-6 irigövdəli ağac birdən-birə qurumağa başlayıb".
Məsələ ilə əlaqədar olaraq Ekologiya və Təbii Sərvətlər Nazirliyinin mətbuat xidmətinin rəhbəri İradə İbrahimova ilə əlaqə saxladıq. Mətbuat katibi sözügedən ərazinin Milli Parkın ərazisi olmadığını bildirib: "Məsələ ilə bağlı Nazirliyin müvafiq yerli ərazi ekologiya və təbii sərvətlər şöbəsinin əməkdaşları tərəfindən araşdırma aparılır və yaxın zamanda geniş məlumat veriləcək".
Bolgexeber.com
Çox Oxunanlar
- 23-03-2024, 17:43 : Putin Rusiyada matəm elan etdi
Dünya / Xəbərlər
- 30-03-2024, 18:40 : Kəlbəcərdə silah- sursat aşkarlandı
Xəbərlər / Ölkə
- 6-04-2024, 16:31 : İlham Əliyev sərəncam imzaladı
Siyasət / Xəbərlər
- 13-04-2024, 17:21 : "20 Yanvar" faciəsinin şahidi sökülür?
Xəbərlər / Ölkə
- 25-03-2024, 17:57 : Terror aktından sonra bu şəxslərə nəzarət gücləndirildi
Dünya / Xəbərlər
- 26-03-2024, 17:50 : 14 yaşdan kiçiklər üçün sosial media qadağası
Sosial / Xəbərlər
- 28-03-2024, 13:36 : Məktəblərə işə qəbul üzrə təkrar müsahibə keçiriləcək
Xəbərlər / Ölkə
- 23-03-2024, 15:23 : Bu ərazilərdə yaşayanların NƏZƏRİNƏ
Sosial / Xəbərlər
- 10-04-2024, 15:42 : Misir Mərdanovun səhhətində problem yarandı
Xəbərlər / Ölkə
- 9-04-2024, 17:54 : Türkiyədə ən çox dinlənilən qadın müğənni oldu
Şou-Biznes / Xəbərlər