BolgeXeber.Com » Bölgə » Goranboyda toy qana bulandı

Goranboyda toy qana bulandı

17-03-2012, 18:05

Oxunub: 5 301

Polis Akademiyasının müdavimi ölüb, 3 nəfər də yaralanıb

Goranboy rayonunda toya gedən maşın qəzaya uğrayıb. Bolgexeber.com-un verdiyi məlumata görə, hadisə saat 13:30-da Bakı-Qazax yolunun 315-ci km-də baş verib.

Bakı şəhər sakini Vaqif Rüstəmovun idarə etdiyi 90 RL 598 dövlət nömrə nişanlı “Mercedes” markalı avtomobil yoldan çıxaraq aşıb. Qəza nəticəsində sürücü, onun sərnişinləri, Goranboy rayonunun Aşağı Bala Kürd kəndinin sakinləri Qumru və İzzət Hacıyevlər, eləcə də Polis Akademiyasının müdavimi, 1990-cı il təvəllüdlü Cavid Eminov yaralanıb. C.Eminov xəstəxanaya aparılarkən yolda keçinib. Digər yaralılar isə xəstəxanaya yerləşdiriliblər.

Hadisə şahidlərinin verdiyi məlumata görə, Qızılhacılı kəndindəki toydan çıxan “Mercedes” markalı avtomobil ötmə əməliyyatı zamanı aşıb. Yaralılar yoldan keçənlərin köməyi ilə Goranboy rayon Xəstəxanasına çatdırılıblar.

Çox Oxunanlar