Bizimlə əlaqə | Reklam
BolgeXeber.Com » Bölgə » Göyçayda "Mersedes" dərəyə uçub

Göyçayda "Mersedes" dərəyə uçub

25-03-2012, 12:25
Oxunub: 5 260
Göyçay rayonunda avtomobil yoldan çıxaraq dərəyə yuvarlanıb, maşın yanıb və sürücü xəsarət alıb.

Rayon yanğından mühafizə hissəsindən APA-ya verilən məlumata görə hadisə bu gün axşam saat 20:30 radələrində Qaraməryəm-Müsüslü yolunun 3-cü kilometrliyində, Aşağı Qaraməryəm kəndi ərazisində qeydə alınıb. Alxasafa kənd sakini 1966-cı il təvəllüdlü Qasımov Qorxmaz Əbülfəz oğlu 90-LZ-841 dövlət nömrə nişanlı “Mersedes” markalı minik avtomobilini yüksək sürətlə idarə edərkən yoldan çıxararaq dərəyə aşırıb. Yoldan 30 metr dərinlikdə olan dərəyə düşən avtomobilin mühərrikində qısaqapanma səbəbindən yanğın baş verib və beş dəqiqə ərzində maşın tamamilə yanaraq yararsız hala düşüb. Hadisə yerinə bir yanğınsöndürən maşın və canlı qüvvə cəlb edilib. Avtomobilin sürücüsü Q.Qasımov yanğın baş verən anda özünü avtomobildən kənara ataraq yüngül xəsarətlə hadisədən xilas ola bilib. Faktla bağlı araşdırma aparılır.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]