Gənc şəhərin Gənclər prospektində tikinti işləri davam edir - Horadizdən FOTOLAR
16-11-2015, 12:04
Oxunub: 3 451
Füzuli rayonunda, xüsusilə Horadiz şəhərində görülən işlər ürəkaçandırPrezident İlham Əliyevin rəhbərliyi altında respublikamızda aparılan abadlıq-quruculuq işləri davam etdirilir. Görülən işlər, həyata keçirilən dövlət proqramları şəhərlərin, qəsəbələrin, kəndlərin simasını dəyişir. Bu dəyişiklikləri cəbhə bölgəsində yerləşən Füzuli rayonunun timsalında da aydın görmək olar.
Prezident İlham Əliyevin yüksək diqqət və qayğısı sayəsində Füzulidə yeni qəsəbələrin salınması, Horadizə şəhər statusunun verilməsi, müasir sosial-infrastruktur layihələrinin reallaşdırılması rayona yeni həyat bəxş etmişdir. Bu gün füzulililər “abad kənd”, “abad qəsəbə”, “abad küçə” devizi ilə işləyir, sabahlarını yaradırlar. “Füzuli hər gün tikilir” desək yanılmarıq. Respublikanın ən gənc şəhəri olan Horadizdə tikinti-quruculuq abadlıq işləri davam etdirilir. Hazırda Horadiz şəhərində yeni salınmış “Gənclər prospekti”nin genişləndirilməsi istiqamətində iş aparılır. Prospekt boyunca Türkiyə və İtaliyadan gətirilmiş həmişəyaşıl ağac və gül kolları əkilir, yeraltı işıq sistemi çəkilir, divar və piyada səkilərinə müasir üslubda daş üzlüklər vurulur, işıqforlar quraşdırılır. “Gənclər prospekti” boyunca tikilən rayon Statistika İdarəsinin, SHXÇDX-nin rayon şöbəsinin inzibati binaları da yaxın günlərdə istifadəyə veriləcək.
Respublikanın ən gənc şəhəri olan Horadiz sakinləri gündən-günə gözəlləşən şəhərlərini Füzulidən kənarda yaşayan həmyerlilərinə bu sözlərlə çatdırırlar. Yüz dəfə eşitməkdənsə bir dəfə görmək yaxşıdır! Həqiqətən də Füzuli rayonunda, xüsusilə Horadiz şəhərində görülən işlər ürəkaçandır.
Son dörd ildə Horadiz şəhərində işğal dövrü yandırılmış və dağıdılmış 6 küçədə abadlıq-quruculuq işləri görülmüş, həmin küçələr yenidən qurulmuşdur. Ümumi uzunluğu 15 kilometrə qədər olan həmin küçələr yenidən salınmış, yeraltı işıq sistemi çəkilmiş, divar və piyada səkilərinə müasir üslubda daş üzlüklər çəkilmiş, işıqforlar quraşdırılmış, yollar boyunca 5 mindən artıq həmişəyaşıl ağaclar əkilmişdir. Zövqlə, ustalıqla görülmüş işlər göz oxşayır. Horadizlilər öz şəhərləri ilə fəxr edirlər. Küçələrin təmizliyi, səliqə-səhman işləri həmişə diqqət mərkəzində saxlanılır.
Şəhər sakinləri Horadizin daha da gözəlləşdirilməsinə, şəhərdə abadlıq-quruculuq işlərinin davam etdirilməsinə görə ölkə başçısı cənab İlham Əliyevə minnətdardırlar.
Bolgexeber.com
Çox Oxunanlar
- 7-06-2025, 17:45 : Türkiyədə güclü meşə yanğını olub
Dünya / Xəbərlər - 21-06-2025, 17:51 : İran təcili çağırış etdi
Dünya / Xəbərlər - 4-06-2025, 14:06 : Bərdə rayon İcra Hakimiyyəti başçısının Qaradağlı kəndində səyyar qəbul-görüşü keçirilib
Bölgə / Xəbərlər - 11-06-2025, 17:31 : Boksçumuz doğum günündə uğur qazandı
İdman / Xəbərlər - 5-06-2025, 13:32 : Röyanın keçmiş ərindən çağırış- BARIŞDIRIN
Şou-Biznes / Xəbərlər - 5-06-2025, 12:59 : "Neftçi" yeni transferini edib
İdman / Xəbərlər - 28-06-2025, 18:23 : Azərbaycan Pakistana başsağlığı verdi
Siyasət / Xəbərlər - 7-06-2025, 15:38 : Məşhur futbolçu "İnter" də- Rəsmi
İdman / Xəbərlər - 3-06-2025, 11:27 : Bakı Enerji Həftəsi
Analitika / Xəbərlər - 9-06-2025, 14:55 : Yasda ehsan verilməsi ləğv olundu
Sosial / Bölgə / Xəbərlər
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!
Azərbaycan Respublikası, Bakı şəhəri
(+99470) 600 50 01
(+99450) 229 29 20
(+994 70) 734 50 00
