BolgeXeber.Com » Bölgə » Bərdə şairləri ilə görüş-FOTO

Bərdə şairləri ilə görüş-FOTO

28-11-2015, 19:59
Oxunub: 3 694 Bərdə şairləri ilə görüş-FOTO27 noyabr 2015-ci il tarixdə Bərdə rayon Mərkəzi kitabxananın uşaqlara xidmət şöbəsində “Bu şəhərin şairləri” adı altında yerli şairlərlə oxucuların görüşü keçirildi

Bolgexeber.com-un məlumatına görə tədbiri giriş sözü ilə uşaqlara xidmət şöbəsinin müdiri Sevda Süleymanova açaraq, tədbir iştirakçılarını salamladı. Sonra poeziya, şeir, şairlər haqqında ürək sözlərini söyləyərək dedi ki, şairlik heyrətdir! Hər kəsin gündə min yol söylədiyi sözə bədii don biçmək tanrının seçdiyi və sevdiyi insanlara lütf etdiyi istedad, vergidir. Poeziya zərif, çevik bir janrdır. Milyonları qırılmaz mənəvi tellərlə birləşdirən, nəhayətsiz arzu və ümidlərlə qanadlandıran, sirli, sehrli bir aləmlə qovuşduran poeziyanın ünvanı, məbədi ürəklərdir. Poeziya gözəllikdir, məzmunun təravətli

nəfəsidir. Odlar yurdumuz iqtisadi sərvəti ilə zəngin olan Azərbaycan həm də mənəvi sərvəti ilə məşhur olub. Xalqımız şeriyyətə və mədəniyyətə misilsiz töhvələr, nadir söz ustaları, böyük sənətkarlar bəxş edib. N.Gəncəvi, M.Füzuli, Ş.İsmayil Xətai, Nəsimi, S.Ə.Şirvani, M.Ə.Sabir, S.Vurğun, M.Müşviq, B.Vahabzadə, R.Rza və s. zaman-zaman Azərbaycan ədəbiyyatına yeni ruh vermiş, bir-birindən dəyərli poetik nümunələri ilə xalqımızın Azərbaycançılıq məfkurəsi, milli dəyərlər ətrafında birləşməsində layiqli xidmətlər göstərmişlər.

Söz şairlərə verildi . Şair Kazım ağa, Qabil Əsəd, Zabil Təcnis. Ağa Təhləli, Telman Hüseyn, Bəsdi Cəfərzadə, Sevinc Abbasova çıxış edərək öz şerlərini oxudular

Tədbirdə şəhər 2 saylı musiqi məktəbinin müəllimləri Qəni Quliyev, Fərhad Vahidi, Hüseyn Əliyev qəzəlxan şair Kazım Ağanın qəzəllərindən istifadə edərək muğamlar və xalq mahnıları ifa etdilər.

Oxuculardan A.Ələkbərli, Ülvüyyə Məmmədova, Sevinc Məhərrəmli, Gülşən Məmmədzadə, Gültac Atakişili. Xumar Məmmədzadə, Ətayə Əliyeva, Fatimə İsmayılova və başqaları şairlərin şerlərini həvəslə söylədilər.
Bərdə şairləri ilə görüş-FOTO
Bərdə şairləri ilə görüş-FOTO
Bərdə şairləri ilə görüş-FOTO
Bərdə şairləri ilə görüş-FOTO
Bərdə şairləri ilə görüş-FOTO
Bərdə şairləri ilə görüş-FOTO