BolgeXeber.Com » Bölgə » Xətaidə bina uçma təhlükəsi ilə üz-üzə - ŞİKAYƏT

Xətaidə bina uçma təhlükəsi ilə üz-üzə - ŞİKAYƏT

1-12-2015, 16:35
Oxunub: 1 651 Xətaidə bina uçma təhlükəsi ilə üz-üzə - ŞİKAYƏTBakı şəhəri, Xətai rayonu, Gəncə prospekti, 23A ünvanında yaşayan sakinlər Arqument.az-a müraciət edərək, yaşadıqları problemlərdən gileyləniblər

Belə ki, onlar binalarının su təchizatında və kanalizasiya sistemində nasazlıqların olduğunu bildirirlər. Sakinlərin sözlərinə görə, bütün sular binanın zirzəmisinə axır. Nəticədə həm bina qəzalı vəziyyətə düşür, həm su təchizatında problemlər yaşanır, həm də tullantı suyunun qoxusundan həyətə çıxmaq mümkün olmur.

Sakinlər məsələ ilə bağlı aidiyyatı üzrə dövlət qurumlarına müraciət ediblər. Dəfələrlə Azərsu ASC-nin yerli orqanına şikayət olunsa da, hər hansı nəticə hasil olmayıb. Bu səbəbdən də vətəndaşlar çıxış yolunu saytımıza müraciətdə görüblər.

"Evlərə gələn içməli su zirzəmiyə axır, kanalizasiya axıdılan su zirzəmiyə axır, binanın altı su ilə dolub, qorxuruq ki, bina aşar. Dəfələrlə müraciətlərimizə baxmayaraq, heç kim maraqlanmır və aylardı bu problem davam edir”, - sakinlər belə deyib.
Bolgexeber.com