BolgeXeber.Com » Bölgə » Daha bir vəzifəli şəxs həbs edildi

Daha bir vəzifəli şəxs həbs edildi

19-04-2012, 11:45

Oxunub: 4 122

ƏƏSMN-nin əməkdaşı saxta əlillik dərəcələrinin verilməsini təşkil edib

Əmək və Əhalinin Sosial Müdafiəsi Nazirliyinin 29 saylı zona Tibbi-Sosial Ekspert Komissiyasının sədri Ələsgər Səfərli həbs edilib. Hüquq-mühafizə orqanlarından lent.az-a verilən məlumata görə, Baş Prokuror yanında Korrupsiyaya qarşı Mübarizə İdarəsi tərəfindən aparılmış araşdırmalar zamanı Ə.Səfərlinin qanuna zidd əməlləri ifşa edilib.

Məlum olub ki TSEK sədri qanunsuz yolla, müəyyən məbləğdə pul qarşılığında bəzi şəxslərə saxta əlillik dərəcələrinin verilməsini təşkil edib. Onun bir neçə bu kimi vəzifə səlahiyyətlərini aşma və saxtakarlıq əməlləri üzə çıxarılıb. Ə.Səfərli həbs edilərək Bakıya gətirilib.

Qeyd edək ki, 29 saylı TSEK Gədəbəy rayonunda yerləşir və qərb bölgəsinin regional idarəsidir.

Çox Oxunanlar