BolgeXeber.Com » Bölgə » "Uşaq birliyi" rəhbərləri ilə toplantı keçirildi-Hacıqabulda

"Uşaq birliyi" rəhbərləri ilə toplantı keçirildi-Hacıqabulda

3-03-2016, 19:24

Oxunub: 3 798

Hacıqabul rayon Gənc Mədəniyyət işçilərinin koordinasiya kreativ qrupunun təşkilatçılığı ilə 03.03.2016-cı il tarixində Hacıqabul şəhər 10 saylı tam orta məktəbdə rayonun bütün məktəblərinin Uşaq birliyi rəhbərlərinin iştirakı ilə toplantı keçirildi

Toplantını giriş sözü ilə rayon Təhsil şöbəsinin əməkdaşı Günel Mustafayeva açdı, sonra sözü Hacıqabul rayon Heydər Əliyev Mərkəzinin direktoru Aytən Zülfəliyevaya verdi.Aytən xanım əvvəlcə rayonda təşkil olunan Gənc Mədəniyyət işçilərinin koordinasiya kreativ qrupunun məqsədindən, yaranma səbəblərindən, əsas iş prinsiplərindən söz açdı.Sonra bütün rayon məktəblərinə göndərilən elanlar: “İstedadlar axtarırıq” adlı müsabiqə və “Debat” oyunu haqqında söhbət açıldı.Uşaq birliklərinin rəhbərlərinə tapşırıldı ki, əsasən məktəblərdə fəal, kreativ, yaradıcı, istedadlı gənclərin tapılıb üzə çıxarılmasında əsas iş onların üzərinə düşür.Mərkəzin direktoru onları bu işlərdə fəal olmağa, gənc istedadları üzə çıxarmağa və onlar haqqında məlumatı rayon Təhsil şöbəsinə və rayon Heydər Əliyev Mərkəzinə verməyi tövsiyyə etdi.Sonra bir-bir Uşaq birliyi rəhbərləri onları maraqlandıran suallarla müraciət etdilər.Qarşıda duran məsələlər birlikdə müzakirə olundu.
Bolgexeber.com

Çox Oxunanlar