Bizimlə əlaqə | Reklam
BolgeXeber.Com » Bölgə » Vərəmli xəstə əsgər aparılıb

Vərəmli xəstə əsgər aparılıb

18-05-2012, 11:00
Oxunub: 5 782 Yoluxucu virus daışıyıcısı hərbi hissədə aşpaz işlədilir

Orduya çağırışla bağlı qanunsuzluqlar davam edir. Bu barədə bugünkü mətbuat konfransında hüquq müdafiəçisi Ələkbər Məmmədov danışıb: “Növbəti çağırış qurbanı Astara rayonunun Miki kəndinin 29 yaşlı sakini İlham Şəfəqqətov oldu. O, hələ 10 il əvvəl Hərbi Komissarlığın komissiyası tərəfindən orduda xidmətə yararsız hesab olunub və hərbi bilet alıb. Amma bu ilinj yanvarında Şəfəqqətov ”qeyri-sıravi hərbi qulluğa yararlı" hesab olunub və hərbi hissələrdən birinə aşpaz olaraq xidmətə göndərilib. Yanvarın sonlarından bu günə qədər, yəni xidmət etdiyi dörd ay ərzində o, ümumilikdə 3 ayı hərbi hospitallarda keçirib.

Şəfəqqətov onikibarmaq bağırsağın xorasından, onurğa əyriliyindən, burun çəpərinin əyriliyindən əziyyət çəkir. Bununla belə, onu nədənsə Tərtər rayonuna göndəriblər, bir neçə gün orada xidmət etdikdən sonra o, Gəncə hospitalına düşüb. Bütün xəstəliklər toplusu onun komissiyadan keçirilməsi üçün əsas verir. Lakin bu, baş vermir". Ə.Məmmədov deyib ki, İlhamla birlikdə onun iki qardaşı - 24 yaşlı Faiq və 20 yaşlı Elnur da xidmətə çağırılıb və hər ikisi Tərtər rayonunda xidmət edir: “Elnur ürək və böyrək çatışmazlığından əziyyət çəkir, Faiq isə vərəm xəstəsidir, Astara və Lənkəran vərəm dispanserlərində qeydiyyatdadır. Amma ən dəhşətlisi budur ki, o, hərbi hissədə aşpazdır! Əvvəllər Azərbaycan ordusunda karların və korların xidmət etdiyinə rast gəlinib, indi isə vərəm də peyda oldu”.


musavat.com
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]