Bizimlə əlaqə | Reklam
BolgeXeber.Com » Bölgə » Azərbaycanda ər arvadını amansızlıqla öldürdü

Azərbaycanda ər arvadını amansızlıqla öldürdü

13-06-2012, 12:25
Oxunub: 5 569 İyunun 13-nə keçən gecə Ağcabədi rayonunda qətl hadisəsi törədilib.

Rayon Polis İdarəsindən Lent.az-a verilən məlumata görə, Hüsülü kəndində kənd sakini 1960-cı il təvəllüdlü Məmmədov Rafiq Ramazan oğlu həyat yoldaşı 1965-ci ildə anadan olmuş Məmmədova Məlahət Ənvər qızını qətlə yetirib. Sərxoş vəziyyətdə olan 52 yaşlı kişi həyat yoldaşını çoxsaylı bıçaq zərbələri ilə öldürdükdən sonra könüllü olaraq polisə təslim olub.

R.Məmmədov ilkin ifadəsində deyib ki, hadisəni qısqanclıq zəmində törədib. O, bildirib ki, həyat yoldaşının ayağının baldır hissəsində göyərti görüb və bundan şübhələnib. Sərxoş vəziyyətdə olan kişi, həyat yoldaşının ona xəyanət etməsini iddia edib və bildirib ki, həmin göyərti öpüş yeridir. Əsəblərinə hakim ola bilməyən kişi qadını bıçaqlayıb.

Faktla əlaqədar cinayət işi başlanılıb, araşdırmalar davam etdirilir.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]