Bizimlə əlaqə | Reklam
BolgeXeber.Com » Bölgə » Bacımı zorlamışdı, əllərimlə boğdum”

Bacımı zorlamışdı, əllərimlə boğdum”

9-07-2012, 11:20
Oxunub: 5 671 “Vasif bacımın boğazına bıçaq dirəyərək onu meşəliyə aparıb və orada zorlayıb. Bacım evə gələrək hadisəni anasına danışıb”

Ağcabədi rayonunda namus üstündə qətl törədilib. Rayon Prokurorluğundan Bolgexeber.com-a verilən məlumata görə, qətlin üstü hadisədən bir neçə gün sonra açılıb.

Ağcabədi rayon Polis Şöbəsinə Təzəkənd kənd sakini 30 yaşlı Vasif Qarayev bir neçə gün əvvəl yoxa çıxması barədə xəbər daxil olub. Aparılan axtarışlardan sonra onun meyiti Bərdə rayonunun Mehdili kəndində kanaldan tapılıb.

Keçirilən əməliyyat tədbirləri nəticəsində qətlin elə mərhumun həmkəndliləri olan 25 yaşlı Səbuhi Quliyev və 31 yaşlı Azər Rəhimov tərəfindən törədildiyi məlum olub.

S. Quliyev səmimi ifadə verərək V. Qarayevi namusunu ləkələdiyi üçün öldürdüyünü deyib: “Vasif bacımın boğazına bıçaq dirəyərək onu meşəliyə aparıb və orada zorlayıb. Bacım evə gələrək hadisəni anasına danışıb. Özünü öldürmək istəyən bacımın durumuna dözmədim. Yeznəmə hadisə barədə dedim. Vasifi maşına mindirib apardıq. Yolda kürəkənim onu döydü. Mən onu boğaraq öldürdüm”.

Faktla bağlı Cinayət Məcəlləsinin qəsdən adamöldürmə (120.1-cu) maddəsi ilə cinayət işi başlanıb.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]