Göyçayda güclü leysan: altı körpü dağılıb
10-07-2012, 11:40
Oxunub: 5 432
Güclü sel elektrik dirəklərini də aşırıbAzərbaycanın aran rayonlarına yağan intensiv yağış - leysan nəticəsində Göyçaya ciddi ziyan dəyib. Güclü yağışların yaratdığı sel suları Qaraməryəm və ətraf kəndlərdə onlarla yaşayış evini basıb. Kənd təsərrüfatına ciddi zərər dəyib. Onlarla ev heyvanı tələf olub.
Göyçay rayon İcra Hakimiyyəti başçısının Qaraməryəm kəndi üzrə icra nümayəndəsi Seymur Qasımov APA-nın yerli bürosuna bildirib ki, güclü yağışlar nəticəsində Qarayazı suvarma kanalı dağılıb. Nəticədə həyətyanı və əkin sahələrini, evləri, tövlələri su basıb. 100-dən artıq yaşayış evinə sel suları dolub. Xeyli sayda toyuq-cücə tələf olub, Yekəxana, Qarayazı, Qaraməryəm və Şahsoltanlı kəndlərində böyük suvarma arxlarının üzərindən keçən 6 avtomobil körpüsü dağılaraq yararsız hala düşüb.
Adıçəkilən kəndləri içməli su ilə təmin edən İsmayıllı rayonunun Kürdmaşı kəndində yerləşən su anbarına sel suları ziyan vurub. Nəticədə həmin kəndlərin içməli su ilə təminatında problemlər yaranıb. Güclü sel elektrik dirəklərini də aşırıb. Bu səbəbdən həmin kəndlərə elektrik enerjisinin verilişi dayandırılıb.
Bundan başqa, güclü sel səbəbindən gecə saat 01.30 radələrində Bakı-Şamaxı-Yevlax yolunun Qaraməryəm kəndi ərazisindən keçən hissəsində yol 3 saat bağlı qalıb. Həmin yolun üzərində yerləşən körpü isə qəzalı vəziyyətə düşüb.
Hazırda Göyçay Rayon Fövqəladə Hallar Komissiyası əhaliyə dəyən ziyanı hesablayır.
Çox Oxunanlar
- 7-06-2025, 17:45 : Türkiyədə güclü meşə yanğını olub
Dünya / Xəbərlər - 21-06-2025, 17:51 : İran təcili çağırış etdi
Dünya / Xəbərlər - 4-06-2025, 14:06 : Bərdə rayon İcra Hakimiyyəti başçısının Qaradağlı kəndində səyyar qəbul-görüşü keçirilib
Bölgə / Xəbərlər - 11-06-2025, 17:31 : Boksçumuz doğum günündə uğur qazandı
İdman / Xəbərlər - 5-06-2025, 13:32 : Röyanın keçmiş ərindən çağırış- BARIŞDIRIN
Şou-Biznes / Xəbərlər - 2-06-2025, 09:58 : Prezident İlham Əliyevin 28 May 2025-ci il tarixində Laçın şəhərinə səfəri – Müstəqilliyin və Qələbənin rəmzi
Analitika / Xəbərlər - 5-06-2025, 12:59 : "Neftçi" yeni transferini edib
İdman / Xəbərlər - 7-06-2025, 15:38 : Məşhur futbolçu "İnter" də- Rəsmi
İdman / Xəbərlər - 28-06-2025, 18:23 : Azərbaycan Pakistana başsağlığı verdi
Siyasət / Xəbərlər - 3-06-2025, 11:27 : Bakı Enerji Həftəsi
Analitika / Xəbərlər
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!
Azərbaycan Respublikası, Bakı şəhəri
(+99470) 600 50 01
(+99450) 229 29 20
(+994 70) 734 50 00
